अपघात:कंटेनर व कारचा समोरासमोर‎ भीषण अपघात, तीन ठार

तेलंगण राज्यातील निझामाबाद‎ जिल्ह्यात राष्ट्रीय महामार्ग क्रमांक ४४‎ वर कंटेनर व कारचा समोरासमोर‎ भीषण अपघात झाला. यात चार तरुण‎ ठार झाले. ही घटना सोमवारी (१३‎ मार्च) पहाटे दीड वाजेच्या सुमारास‎ घडली. यात दोन सख्ख्या भावांचा‎ समावेश आहे. मृतांत कुंडलवाडी‎ येथील गणेश हानमुल्लू निरडी (२६),‎ आदित्य हानमुल्लू निरडी (२३),‎ प्रकाश सायबू अंकलवार (२२) यांचा‎ तर निझामाबाद येथील साईराम भाळे या‎ चाैघांचा समावेश आ हे.‎ कुंडलवाडीतील (ता. बिलाेली,‎ जि.नांदेड) गणेश, आदित्य, प्रकाश, व‎ निझामाबादमधील साईराम हे चाैघे‎ तेलंगणमधील हैदराबाद येथे काही‎ कामानिमित्त गेले होते. परतीच्या‎ प्रवासात कुंडलवाडीकडे येत असताना‎ सोमवारी पहाटे १.३० वाजेच्या सुमारास‎ निझामबाद जिल्ह्यातील इंदलवाई‎ मंडळातील चंद्रायनपल्ली येथे भरधाव‎ कार (एपी २९ एडी ७९०९) व कंटेनरचा‎ (एचआर ३८ यू ७२८१) समोरासमोर‎ भीषण अपघात झाला. यात वरील‎ चौघांचा जागीच मृत्यू झाला. घटनेची‎ माहिती मिळताच तेलंगण पोलिसांनी‎ घटनास्थळाची पाहणी करत पंचनामा‎ करून गुन्हा दाखल केला आहे. चारही‎ मृतदेह शवविच्छेदनासाठी निझामाबाद‎ येथील शासकीय रुग्णालयात‎ पाठवण्यात आले. शवविच्छेदन करून‎ मृतदेह नातेवाइकांच्या ताब्यात देण्यात‎ आले. या अपघातातील तीन मुलांपैकी‎ सेवानिवृत्त मुख्याध्यापक गंगाधर निरडी‎ यांच्या दोन मुलांचा मृत्यू झाल्यामुळे‎ कुंडलवाडी शहरावर शोककळा‎ पसरली.‎

निझामाबाद जिल्ह्यात इंदलवाई‎ मंडळातील चंद्रायनपल्ली येथे‎ कार-कंटेनरच्या अपघातात‎ कारची अशी अवस्था झाली‎ हाेती.‎