दिव्य मराठी विशेष:कॉपीमुक्त वातावरणात दहावी परीक्षा सुरू‎‎

तालुक्यात दहावीच्या परीक्षेला‎ कडक वातावरणात सुरुवात झाली.‎ मराठीचा पेपर असला तरी सूचनांची‎ अंमलबजावणी काटेकोरपणे करून‎ घेतल्यामुळे तालुक्यात कुठेही‎ अनुचित प्रकार घडला नाही.‎ पर्यवेक्षक बदल, परीक्षा केंद्रावर‎ बसवलेले सीसीटीव्ही आणि‎ वर्गनिहाय अल्प चित्रीकरण यामुळे‎ परीक्षा शिस्तीच्या वातावरणात सुरू‎ झाली.‎ तालुक्यात दहावीच्या परीक्षेसाठी‎ १५ केंद्र आहेत. या केंद्रावर २३३‎ ब्लॉकमध्ये परीक्षा घेण्यात आली.‎ एकूण पाच हजार ६२२ विद्यार्थी‎ परीक्षेसाठी बसले आहेत.‎ परीक्षेसाठी एक तास अगोदर‎‎‎‎‎‎‎‎‎‎‎‎ विद्यार्थ्यांना केंद्रावर बोलावण्यात‎ आले होते.

विद्यार्थी विद्यार्थिनींची‎ कडक तपासणी करून परीक्षा‎ केंद्रात प्रवेश देण्यात आला.‎ परवानगी नसलेल्या वस्तू‎ प्रवेशद्वारातच जमा करून घेण्यात‎ आल्या. शिक्षणाधिकारी मंजुषा‎ साळुंखे यांच्याकडून प्रत्येक अर्धा‎‎‎‎‎‎‎‎‎‎‎‎ तासाला १५ केंद्रावरील स्थितीचा‎ आढावा घेण्यात आला. परीक्षेच्या‎ पहिल्या दिवशी फिरते अथवा बैठे‎ तपासणी पथक कोठेही आले नाही.‎ केंद्रात परीक्षेस आलेल्या‎ विद्यार्थ्यांच्या विद्यालयांखेरीज अन्य‎ विद्यालयातील शिक्षक परीक्षक‎ म्हणून नेमण्यात आले होते. त्यामुळे‎‎‎‎‎‎‎‎‎‎‎‎‎‎‎‎ शिस्तीचे पालन झाले. याशिवाय‎ परीक्षा केंद्र परिसर सीसीटीव्हीच्या‎ टप्प्यात होते. प्रत्येक केंद्रावर पोलिस‎ बंदोबस्त देण्यात आला होता.‎

रनर कडून चित्रीकरण‎
गटशिक्षणाधिकारी मंजूषा साळुंखे‎ यांनी परीक्षा केंद्रावर प्रश्नपत्रिका‎ पोहोच करणे, उत्तर पत्रिका ताब्यात‎ घेणे यासाठी १५ रनरची नेमणूक‎ केली आहे. याच रनरला केंद्रावर‎ विद्यार्थ्यां समोर प्रश्नपत्रिका‎ उघडताना व प्रत्येक वर्गातील परीक्षा‎ वातावरणाचे चित्रीकरण करण्याच्या‎ सूचना केल्या. त्यामुळे‎ तालुक्यातील सर्व २३३ ब्लॉक‎ मधील अल्पकाळाचे चित्रीकरण‎ रनर द्वारे करण्यात आले.‎