मतमाेजणी‎:सटाणा ग्राहक संघासाठी‎ 53 टक्के मतदान‎

येथील सहकारी ग्राहक संघाच्या‎ पंचवार्षिक निवडणुकीसाठी ५३‎ टक्के मतदानाची नाेंद झाली.‎ बुधवारी (दि. १५) सकाळी ८‎ वाजेपासून मतमोजणीला सुरुवात‎ होणार असल्याची माहिती‎ निवडणूक निर्णय अधिकारी जितेंद्र‎ शेळके यांनी दिली.‎ सटाणा सहकारी ग्राहक संघाच्या‎ पंचवार्षिक निवडणुकीसाठी श्री‎ परिवर्तन आणि यशवंत पॅनलमध्ये‎ निवडणूक झाली. या निवडणुकीत‎ १५ जागांसाठी ३४ उमेदवार रिंगणात‎ होते. मंगळवारी (दि. १४) येथील‎ लाडशाखीय वाणी मंगल‎ कार्यालयात मतदान प्रक्रिया पार‎ पडली.

सकाळी ८ ते सायंकाळी ४‎ वाजेच्या दरम्यान मतदारांनी‎ मतदानाचा हक्क बजावला. सटाणा‎ शहरासह चौगाव, मोरेनगर आराई,‎ ब्राह्मणगाव, लोहाेणेर, ठेगोंडा,‎ मुंजवाड, विरगाव, खमताणे,‎ तिळवण, दऱ्हाणे, आखतवाडे,‎ मुंजवाड, पिंपळदर, निकवेल,‎ कौतिकपाडे, औंदाणे, खालप, मेशी,‎ खुंटेवाडी आदी गावांसह बागलाण व‎ देवळा तालुक्यातील ७५८८ पैकी‎ ४०१७ मतदारांनी मतदानाचा हक्क‎ बजावला. मतदान प्रकिया शांततेत‎ पार पडली. सटाणा पोलिस ठाण्याचे‎ प्रभारी पोलिस निरीक्षक किरण‎ पाटील, सहायक निरीक्षक वर्षा‎ जाधव यांनी बंदोबस्त ठेवला होता.‎ मतमोजणीसाठी १० टेबलची‎ व्यवस्था करण्यात आली आहे.‎ प्रत्येक पॅनलचे उमेदवार किंवा‎ प्रतिनिधी अशा २० जणांना‎ मतमोजणीच्या ठिकाणी प्रवेश दिला‎ जाणार आहे. मोबाइल कुणालाही‎ जवळ बाळगता येणार नाही.‎ मतमोजणीच्या दोन फेऱ्या होतील.‎ प्रत्येक फेरीत उमेदवाराला‎ मिळालेली मते जाहीर करण्यात‎ येतील, अशी माहिती निवडणूक‎ निर्णय अधिकारी शेळके यांनी दिली.‎