दिव्य मराठी विशेष‎:15 केंद्रांवर 5622 विद्यार्थी देणार 10 वीची परीक्षा‎

आज गुरुवारी (दि.२) मार्चपासून‎ दहावीची परीक्षा सुरू होत असून‎ तालुक्यात सर्व केंद्रांवर तयारी पूर्ण‎ झाली आहे. सिन्नर तालुक्यात १५‎ केंद्रांवर दहावीच्या परीक्षा होत‎ असून या परीक्षा केंद्रांवर एकूण ५‎ हजार ६२२ विद्यार्थी प्रविष्ट होत‎ असल्याची माहिती‎ गटशिक्षणाधिकारी मंजूषा साळुंखे‎ यांनी दिली.‎ २ मार्चपासून सुरु होणारी परीक्षा‎ २५ मार्चला संपणार आहे. सिन्नर‎ तालुक्यात दोन कस्टडी अंतर्गत १५‎ केंद्रांवर दहावीची परीक्षा होत आहे.‎

परीक्षेत गैरप्रकार घडू नयेत यासाठी‎ पर्यवेक्षकांची अदलाबदल करण्यात‎ आली आहे. एका संस्थेतील शिक्षक‎ दुसऱ्या संस्थेत पर्यवेक्षक म्हणून‎ काम पाहणार आहेत. सिन्नर‎ तालुक्यात २३३ ब्लॉकसाठी एकूण‎ २५१ पर्यवेक्षक आहेत. लोकनेते‎ वाजे विद्यालय सिन्नर, जनता‎ विद्यालय नायगाव, श्री ब्रह्मानंद‎ स्वामी विद्यालय दोडी, भोर‎ विद्यालय ठाणगाव, जनता विद्यालय‎ डुबेरे, जनता विद्यालय पांढुर्ली,‎ माध्यमिक विद्यालय ब्राह्मणवाडे,‎ जनता विद्यालय सोनंबे, एस. जी.‎ पब्लिक स्कूल सिन्नर, चांडक‎ कन्या विद्यालय सिन्नर, बारागाव‎ पिंपरी विद्यालय, नूतन विद्यालय‎ वावी, देवपूर माध्यमिक विद्यालय, ‎ ‎ नांदूरशिंगोटे विद्यालय आणि न्यू‎ इंग्लिश स्कूल वडांगळी या १५‎ परीक्षा केंद्रांवर ५६२२ विद्यार्थी परीक्षा ‎ ‎ देणार आहेत.‎

वावी केंद्रावर तयारी पूर्ण‎
वावी येथील नूतन विद्यालयातील‎ एस.एस.सी बोर्ड परीक्षा केंद्र क्रमांक‎ १५७० मध्ये येथील व परिसरातील‎ पाथरे , सायाळे, मीठसागरे, पांगरी,‎ भोकणी, मऱ्हळ , एस. डी. जाधव‎ शहा, आर. पी. गोडगे विद्यालया‎ वावी इत्यादी विद्यालयातील एकूण‎ ६२६ विद्यार्थी परीक्षेत प्रविष्ट होणार‎ असून त्यांची बैठक व्यवस्था २६‎ ब्लॉकमध्ये करण्यात आली आहे.‎ बैठक क्रमांक : डी 084367 ते‎ डी084992 दरम्यानचे विद्यार्थी‎ सदर परीक्षा केंद्रात समाविष्ट आहे.‎ सदर परीक्षेसाठी केंद्र संचालक‎ दिलीप रानडे, सहायक केंद्र‎ संचालक संजय शेलार, सुनील‎ डुकरे, सहायक परिरक्षक राजेंद्र‎ नागरे, प्रदीप लोहार, शरद ढाकणे‎ आदींची नेमणूक केली आहे.‎

मनमाडला ४४५९ विद्यार्थी‎
मनमाड आणि नांदगाव मिळून‎ तालुक्यांतील ४४५९ विद्यार्थी दहावी परिक्षेला‎ सामोरे जातील. तसेच कॉपीमुक्त परिक्षा धोरण‎ यावेळी राबविण्यात येणार आहे. नांदगाव‎ आणि मनमाड शहरातील एकूण ११ केंद्रांवर या‎ परिक्षा होणार आहेत. दहावीच्या परिक्षेसाठी‎ मनमाड शहरांत सेंट झेवियर्स हायस्कूल हे मुख्य‎ केंद्र असून छत्रे विद्यालय उपकेंद्र आहे. तसेच‎ एचएके हायस्कूल आणि ज्युनियर कॉलेजमध्येही‎ विविध विद्यार्थ्यांची आसनव्यवस्था केली आहे.‎