देणगी:त्र्यंबकेश्वराच्या दर्शनबारीत लावणार 6 टर्बाे कूलर‎

यंदाच्या उन्हाळ्यात मात्र भाविकांना‎ वातानुकुलित वातावरणात‎ दर्शनरांगेत उभे राहणे सुसह्य हाेणार‎ आहे कारण, बँक अाॅफ बडाेदाने‎ देणगी म्हणून ६ माेठे टर्बाे कुलर‎ दर्शनबारीत लावण्यासाठी दिले‎ आहेत. अतिशय अाल्हाददायक‎ वातावरणात भगवान त्र्यंबकेश्वराचे‎ दर्शन घेता येणार आहे. पावसाळा‎ आणि हिवाळ्यात त्र्यंबकेश्वरचे‎ तापमान अतिशय सुखावणारे‎ असते. त्यामुळे मंदीराच्या‎‎‎‎‎‎‎ दर्शनबारीत भाविक सहजपणे‎ दिड-दाेन तास उभे राहू शकतात.

मात्र उन्हाळ्यात तपमानामुळे ते‎ त्रासदायक ठरत असते.‎ बँक ऑफ बडोदाचे कार्यकारी‎ संचालक अजय खुराणा आणि‎ मुख्य महाप्रबंधक जेठानंद चोपडा‎ यांच्या प्रमुख उपस्थितीत मंगळवारी‎ सायंकाळी मंदिर प्रांगणात कुलर‎ लोकार्पणाचा कार्यक्रम झाला.‎‎‎‎‎‎‎

देवस्थान ट्रस्टचे विश्वस्त अॅड.‎ पंकज भुतडा, तृप्ती धारणे आणि‎ भुषण अडसरे यावेळेस उपस्थित‎ होते. बँकेचे संचालक व महाप्रबंथक‎ येथे दर्शनासाठी आले असता‎ विश्वस्त अॅड. पंकज भुतडा‎ यांच्याशी त्यांनी भाविकांच्या‎ सेवेसाठी सीएसआर फंडामधून‎ काय मदत करता येईल याची चर्चा‎ केली. येणारा उन्हाळा मंदिर‎ प्रांगणातील दर्शनबारीत उभे‎ राहणाऱ्या भाविकांना सुसह्य व्हावा‎ या हेतूने तातडीने कूलर देण्याचा‎ निर्णय घेण्यात आला.

मंगळवारी‎ झालेल्या कार्यक्रमात कार्यकारी‎ संचालक अजय खुराणा यांनी‎ भाविकांच्या सेवेसाठी यापुढे‎ आणखी मदत करणार असल्याचे‎ तसेच स्थानिक शाखेमार्फत मदत‎ करण्याचे आश्वासन दिले. यावेळेस‎ झालेल्या कार्यक्रमाचे नियोजन‎ मंदिर प्रशासन अधिकारी समीर‎ वैद्य, सुरक्षा अधिकारी विजय‎ गंगापुत्र तसेच बँक ऑफ बडोदा‎ नाशिक व त्र्यंबकेश्वर शाखेचे‎ अधिकारी व कर्मचारी यांनी केले.‎