ग्रामसडक योजना:मालेगावसाठी 9 कोटींची रस्ता कामे‎

केंद्र शासनाच्या प्रधानमंत्री ग्रामसडक योजनेंतर्गत‎ धुळे मतदारसंघात प्रस्तावित १०५ किलोमीटर‎ लांबीच्या रस्ता कामांना मंजुरी देण्यात आली आहे.‎ यासाठी ८० कोटी ५१ लाख रुपये एवढ्या निधीच्या‎ खर्चाला मान्यता देण्यात आली आहे. यापैकी‎ मालेगाव तालुक्यातील दोन कामांकरिता नऊ कोटी‎ ३९ लाख रुपये तर बागलाण तालुक्यातील पाच रस्ता‎ कामांसाठी २३ कोटी ७५ लाख रुपये निधी मंजूर‎ करण्यात आला आहे, अशी माहिती खासदार डॉ.‎ सुभाष भामरे यांनी दिली.‎

धुळे लोकसभा मतदारसंघातील ग्रामीण भागात‎ रस्त्यांची कामे उत्कृष्ट पद्धतीने होण्यासाठी केंद्र‎ शासनाच्या प्रधानमंत्री ग्रामसडक योजनेत धुळे‎ लोकसभा मतदार संघातील धुळे ग्रामीण, शिंदखेडा,‎ मालेगाव व बागलाण तालुक्यातील काही प्रमुख‎ रस्त्यांच्या समावेश प्रधानमंत्री ग्रामसडक योजनेत‎ करण्यात आला. यात धुळे ग्रामीण भागातील पाच‎ रस्त्यांसाठी २४ कोटी ५४ लाख रुपये तर शिंदखेडा‎ ग्रामीण भागातील तीन रस्त्यांकरिता २४ कोटी २३‎ लाख निधीला मान्यता देण्यात आली अाहे. तर‎ मालेगाव तालुक्यात दोन रस्ता कामे मंजूर करण्यात‎ आले आहेत. यात मालेगाव-मथुरापाडे ते निमगाव‎ रोड ७.५०० किमीसाठी ५ कोटी ९७ लाख रुपये व‎ दाभाडी साखर कारखाना ते भायगाव या ४.७००‎ किमीसाठी ३ कोटी ४२ लाख रुपये निधी मंजूर झाला‎ आहे.‎ लवकरच कामांना प्रारंभ होणार असल्याची माहिती‎ खासदार डॉ. भामरे यांनी दिली.‎

बागलाणसाठी पाच रस्ते‎
बागलाण तालुक्यातील बंधारपाडे,‎वनोली, चौधाने फाटा या ३.८४० किमी‎रस्ता कामासाठी २ कोटी ९९ लाख रुपये‎निधी. नामपूर, फोफीर, गोराने,‎आसखेडा या ८.७५० किमी रस्ता‎सुधारणा करण्यासाठी ६ कोटी ३०‎ लाख, सोमपूर, दरेगाव, कातरवेल या ७.९२० किमी‎ कामासाठी ६ कोटी राज्यमार्ग १९ चौंधाणे फाटा, जोरण,‎ मोरकुरे, पठावे दिगर या ६.१३० किमी रस्ता कामासाठी ४‎ कोटी ३६ लाख, एकलहरेराेड , जायखेडा, लाडूद ४ किमी‎ रस्ता कामासाठी ३ कोटी १० लाख रुपयांचा निधी मंजूर‎ झाला आहे. यामुळे तालुक्यातील दळणवळण सुलभ होणार‎ आहे.‎