मुख्यमंत्री एकनाथ शिंदे‎ यांच्या हस्ते लोकार्पण‎:महाराष्ट्र मीलेटच्या प्रचारासाठी कृषी‎ सहायकांनी बनवली वेबसाइट‎

आंतराष्ट्रीय पौष्टिक तृणधान्य वर्ष‎ २०२३ अंतर्गत चांगल्या‎ आरोग्यासाठी व शेतकऱ्यांच्या‎ फायद्यासाठी महाराष्ट्र मीलेट‎ मिशनचे उद्घाटन मुख्यमंत्री‎ एकनाथ शिंदे यांच्या हस्ते झाले.‎ याचवेळी कृषी सहायकांनी प्रचार व‎ प्रसिद्धीसाठी बनवलेल्या‎ www.mahamillets.org या‎ वेबसाइटचे लोकार्पण शिंदे यांच्या‎ हस्ते झाले.‎ मुंबई येथे मंत्रालयात झालेल्या‎ कार्यक्रमास कृषिमंत्री अब्दुल‎‎‎‎‎‎‎‎‎ सत्तार, उद्योग मंत्री उदय सामंत,‎ प्रधान सचिव एकनाथ डवले,‎ आयुक्त सुनील चव्हाण आदी‎ उपस्थित होते.

वेबसाइट तयार‎ करणाऱ्या सहायक कृषी अधिकारी‎ व तिफण फाउंडेशनचे संस्थापक‎ सुखदेव जमदाडे (अहमदनगर),‎ सहसंस्थापक प्रदीप भोर‎ (नाशिक), संचालक संतोष पाटील‎ (कोल्हापूर), संदीप केवटे‎ (सातारा) यांचा मुख्यमंत्री शिंदे‎ यांनी गौरव केला. कृषी विस्तार‎ संचालक विकास पाटील यांच्या‎ मार्गदर्शनाखाली ही वेबसाइट‎ करण्यात आली आहे.

सर्वांनी‎ पौष्टिक तृणधान्य सेवन करण्याचे व‎ त्याची प्रचार प्रसिद्धी करण्याचे‎ आवाहन शिंदे यांनी केले.‎ महाराष्ट्र मीलेट मिशन कार्यक्रम‎ करिता २५० कोटी रुपयांची तरतूद‎ केल्याचे मुख्यमंत्री शिंदे यांनी जाहीर‎ केले. उपक्रमास शासनामार्फत‎ सर्वतोपरी मदत करण्याचे‎ आश्वासन दिले. तसेच ज्वारी,‎ बाजरी, नाचणी पिकविणाऱ्या‎ उत्कृष्ट शेतकऱ्यांचा व प्रक्रिया‎ धारक उद्योजकांचा सत्कार‎ करण्यात आला.‎