सायखेडा‎ पोलिसांनी‎ दिले‎ पालकांच्या‎ ताब्यात‎:वडील रागावल्याने घरातून‎ निघून गेली अल्पवयीन मुले‎

नाशिक येथील अल्पवयीन १० वर्षीय‎ दोन बालके सायखेडा पोलिस‎ स्टेशनच्या हद्दीत आढळून आल्याने‎ त्यांची विचारपूस करत त्यांना‎ पालकांच्या ताब्यात दिले. मुले‎ सापडल्याने पालकांच्या डोळ्यात‎ आनंदाश्रू तरळले.‎ रविवार (दि. १२) सायंकाळी ७‎ वाजेच्या सुमारास नाशिक-छत्रपती‎ संभाजीनगर राेडवर चेहेडी (ता.‎ निफाड) शिवारात रस्त्याच्या‎ मधोमध दुभाजकावरून मुलगा‎ आयुष विनोद साबळे (१०, रा.‎ हिरावाडी, नाशिक), खुशी ऊर्फ‎ धनश्री रमेश सातपुते (१०,‎ हिरावाडी, नाशिक) ही दोन्ही‎ अल्पवयीन मुले धोकादायकरित्या‎ पायी जाताना चेहेडी ग्रामस्थांना‎ मिळून आले. ग्रामस्थांनी पोलिसांना‎ कळवून त्यांना तत्काळ सायखेडा‎ पोलिस स्टेशनमध्ये आणले.‎ सहायक पोलिस निरीक्षक पी. वाय‎ कादरी यांनी त्यांना प्रेमाने जवळ‎ घेतले.

मुले उपाशी असल्याचे‎ जाणवल्याने त्यांना अल्पोपाहार‎ देण्यात आला. त्यानंतर मुलांकडे‎ विचारपूस केली असता मुलगा‎ आयुष यास वडील तीन दिवसांपूर्वी‎ रागावले होते. त्यामुळे रविवारी‎ दुपारी १ वाजता दोन्ही मुले‎ हिरावाडी, नाशिक येथून घराबाहेर‎ पडल्याचे सांगितले. दोन्ही मुले‎ हिरावाडी येथून पायी नांदूरनाका,‎ ओढा, शिलापूरमार्गे चेहेडी येथे २०‎ किलोमीटर अंतर चालत आले.‎ मुलांकडून मोबाइल नंबर प्राप्त‎ करून पालकांशी संपर्क केला.‎ पालक पंचवटी पोलिस ठाण्यात‎ तक्रार देण्यास गेलेले होते. पंचवटी‎ पोलिस ठाण्याचे पोलिस निरीक्षक‎ कोल्हे यांच्याशी चर्चा केल्यानंतर‎ त्यांनी पालकांना सायखेडा येथे‎ पाठविले. मुलांना बघताच‎ पालकांनी त्यांना कवेत घेतले.‎