कारवाई:कर्जदारांच्या वसुली प्रमाणपत्रासाठी मागितली लाच,‎ 15,500  रुपये घेताना सहायक निबंधक ताब्यात‎

पाथरे येथील साई लक्ष्मी ग्रामीण बिगर शेती सहकारी‎ पतसंस्थेच्या कर्जदारांकडून वसुलीसाठी कलम १०१ चे‎ प्रमाणपत्र देण्याकरिता येथील सहायक निबंधक एकनाथ‎ प्रताप पाटील (५७) यांनी प्रति एक हजार ५०० रुपये‎ प्रमाणे १७ कर्जदारांचे एकूण २५ हजार‎५०० रुपयांची मागणी पतसंस्थेच्या‎वसुली कर्मचाऱ्याकडे केली होती.

‎गुरुवारी दुपारी सव्वा दोनच्या सुमारास‎१५ हजार ५०० रुपये स्वीकारताना‎पाटील यांना रंगेहाथ ताब्यात घेण्यात‎आले. दरम्यान खरेदी विक्री संघाचे‎ निवडणूक अधिकारी म्हणून पाटील‎ काम पाहत होते. उमेदवार माघारीचा दिवस असल्याने‎ यावेळी गर्दी होती. या गर्दीतच ही कारवाई करण्यात‎ आली.‎ पाटील यांनी प्रत्येक प्रस्तावाचे २ हजार याप्रमाणे ३४‎ हजार रुपये मागितले होते.

अखेर २५ हजार ५०० रुपये‎ देण्याचे ठरले. २६ फेब्रुवारीला १० हजार रुपये पाटील यांना‎ देण्यात आले. दाखले तयार झाल्यानंतर उर्वरित‎ रकमेशिवाय दाखल्यांवर स्वाक्षरी करण्यास नकार दिला.‎ अखेर पतसंस्थेच्या सेवकाने बुधवार दि. १ रोजी लाच‎ लुचपत प्रतिबंधक खात्याकडे तक्रार दिली होती.‎ अधिकाऱ्यांच्या मार्गदर्शनानंतर सेवकाने पुन्हा पाटील‎ यांची भेट घेऊन उर्वरित १५,५०० रुपये देण्याची तयारी‎ दाखवली. त्यानुसार गुरुवार दि. २ रोजी दुपारी सव्वा‎ वाजता १५ हजार ५०० रुपयांची लाच स्वीकारताना पाटील‎ यांना ताब्यात घेण्यात आल्याची माहिती पथकाने दिली.‎

पाटील यांच्यासह त्यांच्या टेबल व बॅगची झडती घेण्यात‎ आली. पाटील यांच्यासह तक्रारदाराचे जबाब घेण्यात‎ आले.‎ उपविभागीय अधिकारी अभिजीत पाटील यांच्या‎ नेतृत्वाखाली पोलिस निरीक्षक संदीप साळुंखे, हवालदार‎ सुखदेव मुरकुटे, पंकज पळशीकर, मनोज पाटील यांच्या‎ पथकाने ही कारवाई केली.‎