कारवाईची मागणी‎:मालेगावात बजरंग दल‎ व विहिंपचा निषेध माेर्चा‎

दाेघा गाेरक्षकांचा अपघात नसून‎ त्यांच्यावर नियाेजित हल्ला‎ झाल्याचा गंभीर आराेप करत बजरंग‎ दल व विश्व हिंदू परिषदेने साेमवारी‎ (दि.६) सकाळी निषेध माेर्चा‎ काढला. शहर बंदचे आवाहन करत‎ जाेरदार घाेषणाबाजी केली. घटनेची‎ सखाेल चाैकशी करून मुख्य‎ सुत्रधारासह हल्लेखाेरांवर कठाेर‎ कारवाई करावी, अन्यथा आठ‎ दिवसानंतर तीव्र आंदाेलन‎ छेडण्याचा इशारा देण्यात आला.‎

रविवारी रात्री मुंगसे गावाजवळ‎ गाेरक्षक मच्छिंद्र शिर्के व भरत‎ सूर्यवंशी यांच्या दुचाकीला अपघात‎ झाला. यात दाेघेही जखमी झाले‎ आहेत. जनावरांची चाेरटी वाहतूक‎ करणाऱ्या वाहनाचा पाठलाग‎ करताना घडलेला अपघात नसून‎ हल्ला असल्याचा आराेप बजरंग‎ दल व विश्व हिंदू परिषदेच्या‎ कार्यकर्त्यांनी केला. या निषेधार्थ‎ कार्यकर्ते अपर जिल्हाधिकारी‎ कार्यालयाजवळ एकत्र जमले हाेते. व्यावसायिकांना दुकाने बंद‎ करण्याचे आवाहन करत माेसमपूल, संगमेश्वर,‎ माेतीबाग नाका, निसर्ग चाैक मार्गे पुन्हा‎ माेसमपूलहून अपर जिल्हाधिकारी कार्यालयापर्यंत‎ निषेध माेर्चा काढला. येथे कार्यालयाच्या गेटबाहेर‎ ठिय्या देत घाेषणाबाजी केली. गाेमातेचे व हिंदू‎ धर्माचे रक्षण करण्यासाठी बजरंग दल व विहिंप‎ नेहमी तत्पर आहे. शहरात आठ महिन्यांत ६०‎ कारवाया करून ३५० गाेवंश जनावरांना‎ कत्तलीपासून वाचविले आहे.

हल्ला झाला म्हणून‎ हे काम थांबणार नाही. कायदा व सुव्यवस्थेचे‎ पालन व्हावे यासाठी आज शांततेच्या मार्गाने माेर्चा‎ काढला आहे. पाेलिस प्रशासनाने हल्ल्यामागील‎ सूत्रधारांना सदर गुन्ह्यात मुख्य आराेपी करावे.‎ ज्यांनी हल्ला केला आहे त्यांच्यावर कठाेर कारवाई‎ करावी, अशी मागणी करण्यात आली. अपर‎ पाेलिस अधीक्षक अनिकेत भारती, अपर‎ तहसीलदार सायली साेळंके यांनी आंदाेलकांशी‎ चर्चा केली. जखमी सूर्यवंशीने दिलेल्या‎ फिर्यादीवरून तालुका पाेलिस ठाण्यात गुन्हा‎ दाखल केला आहे. पिकअप वाहन जप्त करून‎ चाैघांना अटकही केली आहे.

पाेलिस कायदेशीर‎ कारवाई करत असून शांतता राखा, असे भारती‎ यांनी स्पष्ट केले. अधिकाऱ्यांच्या आश्वासनानंतर‎ आंदाेलन मागे घेण्यात आले. याप्रसंगी वाल्मीक‎ महाराज, संदीप महाराज, राहुल बच्छाव, याेगेश‎ गवळी, श्याम गवळी, पवन हिरे, विलास बाबा‎ आदी उपस्थित हाेते. सहायक पाेलिस अधीक्षक‎ तेगबिरसिंह संधू, कॅम्पचे उपअधीक्षक प्रदीप‎ जाधव यांच्या नेतृत्वाखाली दंगा नियंत्रण पथक‎ तैनात करण्यात आले हाेते.‎

शिर्केवर नाशकात उपचार‎
गंभीर जखमी असलेल्या मच्छिंद्र‎ शिर्के यांच्यावर नाशिकला एका‎ खासगी रुग्णालयात उपचार सुरू‎ आहे. तर दुसरा जखमी भरत‎ सूर्यवंशीवर मालेगावात उपचार हाेत‎ आहेत. दाेघांचीही प्रकृती स्थिर‎ असल्याची माहिती पाेलिसांनी दिली.‎ दरम्यान घटनेनंतर रविवारी रात्रीच‎ पालकमंत्री दादा भुसे यांनी शिर्के व‎ सूर्यवंशीची भेट घेत पाेलिसांना‎ कारवाईच्या सूचना केल्या हाेत्या.‎

दुचाकी धडकून अपघात‎
पिकअप वाहनाचा पाठलाग करताना‎ बुलेट दुचाकी पाठिमागून पिकअपवर‎ धडकली आहे. बुलेटचे पुढील बाजूने‎ नुकसान झाले आहे. बुलेटला‎ पाठिमागील कुठल्याही वाहनाने‎ धडक दिलेले नाही. इन कॅमेरा जबाब‎ नाेंदवून सूर्यवंशीची फिर्याद नाेंदविली‎ आहे. त्यामुळे कुणीही अफवा पसरवू‎ नये. कुणी कायदा हातात घेण्याचा‎ प्रयत्न केला तर कारवाई करण्याचा‎ इशारा पाेलिस प्रशासनाने दिला आहे.‎