भूमिपूजन‎:मनमाडला पांझण-रामगुळणा नद्यांच्या‎ संगमावरील 5  काेटींच्या पुलाचे भूमिपूजन‎

‎येथील मोठा गुरुद्वारापासून ते‎ शिवाजी नगरमध्ये वाघदर्डी‎ रोडवरील पांझण व रामगुळणा या‎ दोन्ही नद्यांच्या संगमावरील नवीन‎ पुलाचे भूमिपूजन आमदार सुहास‎ कांदे यांच्या हस्ते झाले.‎ केआरटी शाळेजवळ नवनाथ‎ मंदिराजवळील नवीन पुलाचे‎ भूमिपूजनही त्यांच्या हस्ते झाले.‎ सुमारे ५ कोटी रुपये खर्च करून या‎ पुलांचे बांधकाम केले जाणार आहे.‎ काही महिन्यांत तो पूर्ण केला जाणार‎ आहे. पांझण-रामगुळणा या नद्यांना‎ दरवर्षी पूर आल्यानंतर सध्या‎ असलेल्या पुलावरून पाणी वाहू‎ लागते व आसपासच्या घरांत जाते.‎

व दोन्ही बाजूकडील वाहतूक ठप्प‎ होते. त्याची दखल घेत माजी‎ नगराध्यक्ष राजाभाऊ पगारे या‎ भागातील नगरसेविका रूपाली पगारे‎ यांच्या मागणीवरून या पुलास‎ मंजुरी देण्यात आल्याचे आमदार‎ कांदे यांनी सांगितले.‎ शिवाजी नगर भागात जाणाऱ्या व‎ केआरटी शाळेत जाणाऱ्या‎ विद्यार्थ्यांची या पुलामुळे मोठी सोय‎ होणार आहे. तसेच पूर आल्यामुळे‎ दरवर्षी पावसाळ्यात नदीकाठी‎ राहणाऱ्या नागरिकांना जो धोका‎ निर्माण होतो, तो यापुढे होणार नाही,‎ असे माजी नगराध्यक्ष राजाभाऊ‎ पगारे यांनी सांगितले.‎

कार्यक्रमास बाळासाहेबांची‎ शिवसेना पक्षाचे तालुकाप्रमुख‎ साईनाथ गिडगे, शहरप्रमुख मयूर‎ बोरसे, आमिन पटेल, भाजपचे‎ शहराध्यक्ष जयकुमार फुलवाणी,‎ मोहन गायकवाड, नारायण पवार,‎ भाकपच्या साधना गायकवाड,‎ विकास काकडे, दिनकर धिवर,‎ गोविंद रसाळ, केआरटी शाळेचे‎ मुख्याध्यापक मुकेश मिसर, अमोल‎ नरवडे यांचेसह या भागातील‎ नागरिक, विविध पक्षाचे प्रतिनिधी‎ मोठ्या संख्येने उपस्थित होते.‎ प्रमुख उपस्थितांचे स्वागत व‎ सत्कार महावीर ललवाणी, राकेश‎ ललवाणी, आमिन पटेल यांनी केले.‎ महेंद्र वाघ यांनी सूत्रसंचालन केले.‎