भूमिपूजन‎:करंजवण पाणी योजनेचे‎ 13 फेब्रुवारीला भूमिपूजन‎

शहराचा अनेक वर्षाचा पाणीप्रश्न‎ कायमस्वरूपी सुटावा यासाठी केलेल्या‎ ‎ अथक प्रयत्नांना‎ ‎ यश आले असून‎ ‎ हिंदूहृदयसम्राट‎ ‎ बाळासाहेब‎ ‎ ठाकरे‎ ‎ करंजवण-‎ ‎ मनमाड‎ पाणीपुरवठा योजनेचे भूमिपूजन‎ सोमवारी (दि. १३) मुख्यमंत्री एकनाथ‎ शिंदे यांच्या हस्ते मनमाड शहरात दुपारी‎ बारा वाजता होणार आहे.‎ पाणी प्रश्न सुटल्यानंतर आता मनमाड‎ शहराला एमआयडीसी मंजूर होणे‎ प्रस्तावित आहे. तसेच तालुक्यातील‎ जनतेच्या सुविधेसाठी दोन फिरती‎ रुग्णालये आणि दोन फिरती शासकीय‎ कार्यालये या योजनाही लवकरच‎ जनसेवेमध्ये दाखल होत आहेत, अशी‎ माहितीही आमदार सुहास कांदे यांनी‎ येथे शनिवारी आयोजित पत्रकार‎ परिषदेत दिली आहे. महर्षी भगवान‎ वाल्मीकी क्रीडा संकुलात दुपारी १२‎ वाजता होणाऱ्या कार्यक्रमास उद्योगमंत्री‎ उदय सामंत, पाणीपुरवठामंत्री गुलाबराव‎ पाटील, पालकमंत्री दादा भुसे यांची‎ प्रमुख उपस्थिती असणार आहे.‎

करंजवण हिंदुहृदयसम्राट बाळासाहेब‎ ठाकरे पाणीपुरवठा योजना ही ३११ कोटी‎ रुपयांची असून या कामाची वर्क ऑर्डर‎ देण्यात आली आणि जवळपास ११‎ टक्के योजनेचे काम झालेले आहे. येत्या‎ १८ महिन्यात ही योजना पूर्ण करण्याचे‎ उद्दिष्ट आहे. मनमाडकरांच्या घराघरात‎ दररोज पाणी यावे हे मनमाडकर जनतेचे‎ स्वप्न आता प्रत्यक्षात उतरणार आहे.‎ शहरात औद्योगिक वसाहत व्हावी ही‎ गेल्या अनेक वर्षांपासूनची जुनी मागणी‎ यानिमित्ताने पूर्णत्वास येऊ शकते.‎ औद्योगिक वसाहतीठी मनमाड‎ नजीक अनकवाडे सटाणे परिसरात ६७२‎ एकर क्षेत्राचा प्रस्तावही शासनाला‎ पाठवला आहे.

या औद्योगिक‎ वसाहतीतून मनमाड व तालुका‎ परिसरातील किमान पंधरा हजार‎ बेरोजगारांना रोजगार उपलब्ध होणार‎ असल्याचा दावा कांदे यांनी केला.‎ मनमाड येथून रेल्वे तसेच रस्ता‎ वाहतूकही सोयीची असल्याने‎ औद्योगिक वसाहत अत्यंत मध्यवर्ती‎ आणि सोयीचे ठरेल त्या दृष्टीने प्रयत्न‎ सुरू आहेत अशी माहिती आमदार‎ सुहास कांदे यांनी दिली. मनमाड‎ औद्योगिक वसाहतीचे सर्वेक्षण देखील‎ पूर्ण करण्यात आले आहे. यावेळी‎ शिवसेना उपजिल्हाप्रमुख सुनील हांडगे,‎ तालुकाप्रमुख साईनाथ गिडगे,‎ शहरप्रमुख मयूर बोरसे, महिला‎ आघाडीच्या विद्या जगताप, संगीता‎ बागूल आदींसह शिवसेना पदाधिकारी‎ कार्यकर्ते उपस्थित होते‎.