भूमिपूजन‎:करंजवण पाणीपुरवठा योजनेचे‎ 13 ला मुख्यमंत्र्यांच्या हस्ते भूमिपूजन‎‎

शहरासाठी वरदान ठरणार असलेल्या‎ ३१६ कोटी रुपये खर्चाच्या‎ हिंदूहृदयसम्राट बाळासाहेब ठाकरे‎ करंजवण-मनमाड पाणीपुरवठा‎ योजनेचा भूमिपूजन मुख्यमंत्री‎ एकनाथ शिंदे यांच्या हस्ते येथील‎ भगवान वाल्मीकी स्टेडियमवर‎ सोमवारी (दि. १३) होणार‎ असल्याची माहिती आमदार सुहास‎ कांदे यांनी दिली. यावेळी आरोग्यमंत्री‎ तानाजी सावंत, उद्योगमंत्री उदय‎ सामंत, पाणीपुरवठामंत्री गुलाबराव‎ पाटील व नाशिक जिल्ह्याचे‎ पालकमंत्री दादा भुसे उपस्थित‎ राहणार आहेत.‎ मनमाड शहरासाठी पाणीपुरवठा‎ योजनेबरोबरच आता औद्योगिक‎ वसाहत, शहरासाठी अद्यावत ट्रामा‎ केअर सेंटरबाबतही सकारात्मक‎ निर्णय होईल, अशी अपेक्षा आहे.‎

करंजवण योजनेचा हा भूमिपूजन‎ समारंभ . मनमाड नगरपरिषदेच्या‎ वतीने महाराष्ट्र सुवर्ण जयंती‎ नगरोत्थान महाअभियान (राज्यस्तर)‎ अंतर्गत मनमाड शहर करंजवण धरण‎ उद्भव असलेल्या या योजनेसाठी ३१६‎ कोटी रुपयांचा निधी उपलब्ध करून‎ देत कार्यारंभ आदेश मुख्यमंत्री‎ एकनाथ शिंदे यांनी दिल्यानंतर‎ कामास वेगाने सुरुवात झाली आहे.‎

मनमाड शहरातील सव्वा लाख‎ जनतेच्या अपेक्षांची पूर्ती होत‎ असल्याचे समाधान असल्याचे‎ आमदार कांदे यांनी सांगितले . या‎ योजनेचे प्रत्यक्ष काम प्राथमिक‎ स्तरावर सुरू झाले. पुढील १८‎ महिन्यांत ही योजना पूर्ण होईल.‎ त्यामुळे लवकरच घराघरात या‎ योजनेद्वारे नागरिकांना दररोज पाणी‎ मिळेल, अशी माहिती त्यांनी दिली.‎