होलिकोत्सव:पर्यावरणपूरक रंगपंचमी करा‎ साजरी, नैसर्गिक रंग वापरावेत‎

रंगपंचमी साजरी करताना नैसर्गिक रंग‎ वापरावेत. नैसर्गिक रंग बनवून‎ पर्यावरणपूरक रंगपंचमी साजरी करावी,‎ असे मार्गदर्शन माध्यमिक लोकशिक्षण‎ मंडळाचे सचिव राजेश गडाख यांनी केले.‎ पंचाळे येथील पंचाळे येथील सिन्नर भूषण‎ सूर्यभानजी गडाख प्राथमिक विद्यालयात‎ पर्यावरणपूरक होळी व धूलिवंदन सण‎ साजरा करण्यात आला. त्यावेळी ते बोलत‎ होते.‎ राजेश गडाख यांनी नैसर्गिक रंगाचे‎ लाभ आणि रासायनिक रंगांचे अपाय यावर‎ माहिती दिली. विद्यार्थ्यांनी रंगीबेरंगी‎ पाना-फुलांपासून नैसर्गिक रंग तयार करत‎ असताना झाडाच्या वाळलेल्या पाने व‎ फुलांपासून रंग निर्मिती, डाळिंबाच्या‎ सालीपासून नारंगी रंग, हळद व बेसन‎ यापासून पिवळा रंग, रक्त चंदनाच्या‎ पावडरपासून लाल रंग, बीटापासून लाल‎ रंग, पालेभाज्यांपासून हिरवा रंग,‎ आवळ्यापासून काळा रंग निर्मिती करावी.‎ यापुढे नैसर्गिक रंग बनवून तेच रंग‎ वापरण्याची शपथ देण्यात आली.‎

राजेश गडाख यांच्या मार्गदर्शनाखाली‎ विद्यार्थ्यांनी आपल्या चुकीच्या सवयी‎ जसे, उशिरा उठणे, मोबाईलचा अती‎ वापर, अस्वच्छता, आळस अशा सवयी‎ कागदावरती लिहून त्याचे होळीत दहन‎ केले. सण-उत्सव हे माणसाचा आनंद‎ वाढवण्यासाठी आलेले असतात. सणामागे‎ धार्मिकतेबराेबरच वैज्ञानिक दृष्टिकोन‎ असतो. तो आपण समजून घेतला पाहिजे,‎ असे मत त्यांनी व्यक्त केले. मराठी नूतन‎ वर्षाची सुरुवात चांगल्या संकल्पांनी करा.‎ स्वतःला, कुटुंबाला, समाजाला ज्या‎ विघातक गोष्टी आहेत त्यांचा या‎ होळीमध्ये त्याग करा, असाही संदेश‎ गडाख यांनी याप्रसंगी दिला.‎

प्राचार्य शांता शिंदे, ज्येष्ठ मार्गदर्शक‎ आर. एस. गडाख, स्काउट समुपदेशक‎ विश्वनाथ शिरोळे, प्राथमिक विद्यालयाचे‎ मुख्याध्यापक नवनाथ थोरात, उच्च‎ माध्यमिक विभाग प्रमुख प्रवीण शेलार,‎ राधाकिसन कहांडळ, विलास पवार,‎ नलिनी लोखंडे, विनायक पगार, मयुरी‎ हिवरडे, शीतल नाजगड, अंजली डुंबरे,‎ पुजा जगदाळे, नामदेव हांडोरे, लता‎ बेलोटे, दत्तू थोरात, विकास वाघ, योगेश‎ डुंबरे आदी प्राथमिक, माध्यमिक व‌ उच्च‎ माध्यमिक विद्यालयातील शिक्षक‎ शिक्षकेतर कर्मचारी, विद्यार्थी व पालक‎ उपस्थित होते.‎