अधिकाऱ्यांचे आश्वासन,‎ आंदोलन मागे‎:माकपचा विविध मागण्यांसाठी रास्ता रोको

वणी-सापुतारा महामार्गावर बोरगाव येथील‎ बिरसा मुंडा चौकात गुरुवारी (दि. ९)‎ माकपप्रणित किसान सभा व‎ डीवायएफच्या वतीने विविध मागण्यांसाठी‎ दोन तास रास्ता रोको करण्यात आला‎ होता. यामुळे वाहनांच्या रांगा लागल्या‎ होत्या.‎ यावेळी जनार्दन भोये, संदीप भोये,‎ अशोक भोये, पुंडलिक भोये यांनी‎ मार्गदर्शन केले. खडकी येथील‎ सबस्टेशनवरून सुरळीत वीजपुरवठा‎ करावा, वन दावेदारांना फॉरेस्टकडून‎ होणारा त्रास बंद करावा, वन कायद्याची‎‎‎‎‎‎‎‎‎ अंमलबजावणी करावी, बोरगाव व हट्टी‎ गणातील रस्त्यांची त्वरीत दुरुस्ती करावी‎ आदी मागण्या करण्यात आल्या होत्या.‎

यावेळी महावितरण अधिकाऱ्यांनी लेखी‎ आश्वासन दिले. जिल्हा परिषदेचे‎ उपविभागीय अभियंता नंदलाल सोनवणे,‎ पीडब्ल्यूडीचे हर्षल पाटील, नायब‎ तहसीलदार लक्ष्मण कुवर, निवडणूक‎ नायब तहसीलदार राजेंद्र मोरे यांनी तोंडी‎ आश्वासन दिल्यानंतर रास्ता रोको मागे‎‎‎‎‎‎‎‎‎ घेण्यात आला. वनविभागाचे अधिकारी‎ उपस्थित नसल्याने तहसील कार्यालयात‎ वनअधिकारी व किसान सभेचे‎ शिष्टमंडळाची लवकरच बैठक घेण्यात‎ येणार आहे. आंदोलनात धर्मा पवार,‎ सोमनाथ गायकवाड, भारती बागूल,‎ दिगंबर भोये, कृष्णा गायकवाड, मधुकर‎ पवार, रामचंद्र गांगुर्डे, हरी कडाळे, नामदेव‎ भोये, एकनाथ गवळी, सुरेश गाढवे,‎ प्रभाकर भोये सहभागी झाले होते.‎