दिव्य मराठी विशेष:कांदा लिलाव वेळ बदलण्याची मागणी‎

येथील कृषी उत्पन्न बाजार समितीत दैनंदिन कांदा लिलावाची वेळ ही ‎सकाळी ९ वाजेची करण्यात यावी, ‎कांदा विक्री नंतर शेतकऱ्यांना‎ तत्काळ रोख स्वरूपात पैसे अदा करावेत, अशी मागणी महाराष्ट्र‎ राज्य कांदा उत्पादक शेतकरी‎ संघटनेचे संस्थापक अध्यक्ष भारत ‎ दिघोळे यांनी केली आहे. याबाबत ‎ ‎ उपसचिव आर. एन. जाधव याना ‎ ‎ मागणीचे निवेदन देण्यात आले.‎ यावेळी सोमनाथ पवार, ज्ञानदेव‎ सानप, सीताराम आव्हाड, विकास‎ शिंदे, गोविंद सोनवणे, नामदेव‎ आव्हाड, ज्ञानेश्वर देवकर, सुनील‎ केदार आदींसह शेतकरी उपस्थित‎ होते.‎ ‎ जिल्ह्यातील सर्वच बाजार‎ समित्यांमध्ये सकाळी ९ वाजता‎ कांद्याचे लिलाव सुरू होतात. परंतु‎ सिन्नर बाजार समितीत याबाबत‎ मनमानी आहे. कधी सकाळी ११,‎ कधी १२ तर कधी दुपारी २ वाजता‎ कांद्याचे लिलाव होतात. त्यामुळे‎ ‎शेतकऱ्यांना नाहक त्रास सहन‎ करावा लागताे. त्यांचा संपूर्ण‎ दिवसच वाया जातो, असे निवेदनात‎ म्हटले आहे. बहुतांश व्यापारी रोख‎ पैसे देण्याऐवजी शेतकऱ्यांना पुढील‎ तारखेचा धनादेश देतात.

यामुळे‎ तालुक्यातील असंख्य कांदा‎ उत्पादक शेतकरी सिन्नर बाजार‎ समितीत कांदा विक्री न करता‎ सायखेडा, विंचूर, निफाड,‎ पिंपळगाव बसवंत, लासलगाव या‎ बाजार समितीत कांदा घेऊन‎ जातात.‎ तालुक्यातील शेतकरी इतर‎ तालुक्यात कांदा विक्रीसाठी जात‎ असल्याने बाजार समितीसह‎ सिन्नरच्या बाजारपेठेवरही याचा‎ विपरीत परिणाम होतो. यावर‎ कायमस्वरूपी तोडगा काढण्यासाठी‎ बाजार समितीत लिलावाची वेळ‎ सकाळी ९ वाजेची करून १०० टक्के‎ कांदा विक्रीचे पैसे रोख स्वरूपात‎ देण्याची पद्धत सुरू करावी, अशी‎ मागणी महाराष्ट्र राज्य कांदा‎ उत्पादक शेतकरी संघटनेचे‎ संस्थापक दिघोळे यांनी केली आहे.‎