मुद्देमाल जप्त‎:डिझेल चोरटा ताब्यात; कारसह 4‎ लाख 23 हजारांचा मुद्देमाल जप्त‎

निफाड तालुक्यातील खेरवाडी‎ परिसरात सायखेडा पाेलिसांनी‎ पाठलाग करून एका डिझेल‎ चाेरट्याला ताब्यात घेतले असून‎ त्याचा साथीदार फरार हाेण्यात‎ यशस्वी झाला. ताब्यात घेतलेल्या‎ संशयितांकडून पाेलिसांनी कारसह‎ ३०० लिटर डिझेल असा सुमारे चार‎ लाख २३ हजार रुपयांचा मुद्देमाल‎ जप्त केला आहे.‎ मंगळवारी पहाटे सायखेडा‎ पोलिस ठाण्याचे सहायक निरीक्षक‎ पी. वाय. कादरी गस्त घालत‎ असताना त्यांना खेरवाडी परिसरातून‎ एक संशयास्पद कार वेगाने जात‎ असल्याची माहिती मिळाली. ते‎ गाडीचा शाेध घेत असतानाच एक‎ कार वेगाने जाताना दिसली.‎

पाेलिसांनी कारचा पाठलाग सुरू‎ केला. काही अंतरावर संशयास्पद‎ कार वेगामुळे वळणावर घसरली.‎ यावेळी पाेलिसांनी त्वरित कारजवळ‎ पाेहाेचत कारमधील संशयित सागर‎ दत्तात्रय गरड (३०, रा. पंचकृष्ण‎ लॉन्सच्या पाठीमागे, कोणार्कनगर-२,‎ नाशिक) यास शिताफीने पकडले,‎ मात्र त्याचा साथीदार अंधाराचा‎ फायदा घेत फरार. पोलिसांनी दाेन‎ लाख ७० हजार रुपये किमतीचे ३००‎ लिटर डिझेल, कार (एमएच ०१‎ एनए ४८४१३) असा सुमारे चार‎ लाख २३ हजार रुपयांचा एेवज जप्त‎ केला आहे. फरार संशयितांचा शोध‎ सुरू असून तपास सुरू आहे.‎