‎‎दिव्य मराठी विशेष:वैद्यकीयच्या 2 लाख विद्यार्थ्यांसाठी ‘डिजिटल हेल्थ’‎

आरोग्य आणि तंत्रज्ञान यांच्या एकत्रित संशोधनासाठी आरोग्य‎ विद्यापीठाने इंडियन इन्स्टिट्यूट ऑफ टेक्नॉलॉजी आयआयटी,‎ मुंबई या संस्थेशी सामंजस्य करार केला असून त्याद्वारे डिजिटल‎ हेल्थला चालला मिळणार आहे. डिजिटल हेल्थचा फायदा‎ राज्यभरातील वैद्यकीय शिक्षण घेणाऱ्या दाेन लाख विद्यार्थ्यांसह‎ रुग्णांना होणार असून नवीन तंत्रज्ञानही विकसित केले जाणार‎ आहे. विद्यापीठाच्या प्रशासकीय कामकाजात नवीन तंत्रज्ञानाचा‎ अंतर्भाव या करारामुळे हाेईल. त्याचा फायदा विद्यापीठाच्या‎ प्रशासनासह विद्यार्थ्यांना हाेईल.‎ ‎

सामंजस्य कराराचे आदान प्रदान सह्याद्री अतिथीगृहात‎ विद्यापीठाचे प्र-कुलपती तथा राज्याचे वैद्यकीय शिक्षणमंत्री गिरीश‎ महाजन यांच्या उपस्थितीत करण्यात आले. याप्रसंगी विद्यापीठाच्या‎ कुलगुरू लेफ्टनंट जनरल माधुरी कानिटकर (निवृत्त), वैद्यकीय‎ शिक्षण विभागाच्या सचिव डॉ. अश्विनी जोशी, राज्याच्या वैद्यकीय‎ शिक्षण व संशोधन विभागाचे संचालक डॉ. दिलीप म्हैसेकर, मा.‎ प्रति-कुलगुरू डॉ. मिलिंद निकुंभ, कुलसचिव डॉ. राजेंद्र बंगाळ‎ आदी उपस्थित होते.‎

हा सामंजस्य करार विद्यापीठाच्या‎ कुलगुरु लेफ्टनंट जनरल माधुरी‎ कानिटकर (निवृत्त) व मुंबइचे इंडियन‎ इन्स्टिट्यूट ऑफ टेक्नॉलॉजींचे‎ संचालक डॉ. सुभाष चौधरी यांच्या‎ स्वाक्षरीत करण्यात आला आहे. सदर‎ सामंजस्य कराराची दोन्ही बाजूने प्रभावी‎ अंमलबजावणी होण्याकरता नोडल‎ ऑफिसर नियुक्त करण्याची कार्यवाही‎ करण्यात येणार आहे.

इंडियन इन्स्टिट्यूट‎ ऑफ टेक्नॉलॉजी मुंबई यांच्या वतीने डॉ.‎ गणेश रामकृष्णन आणि डॉ. क्षितिज‎ जाधव प्रतिनिधी म्हणून उपस्थित होते.‎ याप्रसंगी प्रशासकीय विभागामार्फत‎ वैद्यकीय शिक्षण विभागाचे उपसचिव‎ अजित सासूलकर तसेच कक्ष अधिकारी‎ प्रियंका कागिनकर, विद्यापीठाचे विधी‎ अधिकारी संदीप कुलकर्णी, विद्यापीठाचे‎ उपकुलसचिव डॉ. नितीन कावडे,‎ विद्यापीठाच्या आंतरराष्ट्रीय शैक्षणिक‎ केंद्र विभागाचे समन्वयक संदीप राठोड‎ तसेच विद्यापीठाच्या मुंबई विभागीय‎ कार्यालयाचे विभागप्रमुख संजय पिसाळ‎ आदी अधिकारी उपस्थित होते.‎

सहयोगी उपक्रमावर भर‎
सामंजस्य करार अंतर्गत विविध सहयोगी‎ उपक्रम राबविण्यात येणार आहेत.‎ याकरीता कार्यप्रणाली विकसित करण्यात‎ येणार आहे. करार हा भविष्यात आरोग्य‎ आणि तंत्रज्ञान या विषयांमध्ये एकत्रित‎ संशोधन व आरोग्य सुविधा डिजिटल‎ हेल्थ यांचा विकास संशोधन याच्यामध्ये‎ एक लौकिक अर्थाने भर टाकणारा आहे.