जनजागृती‎‎‎‎‎‎‎‎‎‎‎‎‎:खेलदरी शाळेत विद्यार्थ्यांना नागली पापडाचे वाटप‎‎

संयुक्त राष्ट्र संघाने २०२३ हे वर्ष‎ आंतरराष्ट्रीय पौष्टिक तृणधान्य वर्ष‎ घोषित केले आहे. त्या अनुषंगाने‎ तालुक्यातील गावागावांत कृषी‎ विभागामार्फत विविध उपक्रमांद्वारे‎ जनजागृती करण्यात येत असल्याची‎ माहिती तालुका कृषी अधिकारी‎ विलास सोनवणे यांनी दिली.‎ तृणधान्यांमधील पोषण मूल्यांमुळे‎ त्यांना आहारामध्ये अनन्यसाधारण‎ महत्त्व असून त्यांची गणना पौष्टिक‎ तृणधान्य म्हणून करण्यात आलेली‎ आहे. त्यामुळे सदर पिकांच्या‎ उत्पादनात वाढ करून नागरिकांच्या‎ आहारातील त्यांचे प्रमाण‎ वाढविण्यासाठी जनजागृती‎‎‎‎‎‎‎‎‎‎‎‎‎ करण्यात येत आहे.

तृणधान्यांचा‎ आहारात समावेश होण्यासाठी व‎ नागरिकांत जनजागृती निर्माण‎ होण्यासाठी कृषी विभागामार्फत‎ तालुक्यातील गावागावांत जिल्हा‎ परिषद शाळा, माध्यमिक विद्यालये,‎‎‎‎‎‎‎‎‎‎‎‎‎ आश्रमशाळा, कृषी सेवा केंद्रे,‎ लग्नसमारंभ, प्रक्षेत्र भेटी, वस्त्यांवर‎ जाऊन तृणधान्याचे आहारातील‎ महत्त्व व पौष्टिक गुणधर्म याबाबत‎ मार्गदर्शन करण्यात येत आहे. खरीप‎ हंगामात तृणधान्याची पेरणी‎ करण्याबाबत शेतकरी बांधवांना‎ आवाहन करण्यात येत आहे.

या‎ उपक्रमांतर्गत कृषी सहायक रोमा‎ आहेर यांनी खेलदरी व शिरूर‎ येथील जिल्हा परिषद शाळेतील‎ शिक्षकांच्या सहकार्याने विद्यार्थ्यांना‎ नागली पापड वाटप केले.‎ तृणधान्यांची व्यापक प्रमाणात‎ प्रचार, प्रसिद्धी होण्याच्या दृष्टीने‎ बोपाणे येथे कृषी सहायक शिरीष‎ पवार यांनी शिक्षक गांगुर्डे व पावरा‎ यांच्या सहकार्याने विद्यार्थ्यांची‎ प्रभातफेरी काढली व त्यानंतर‎ विद्यार्थ्यांना नागली पापड वाटप‎ करण्यात आले.‎ या कार्यक्रमप्रसंगी मुख्याध्यापक‎ बधान, शिक्षक गुंजाळ, भामरे,‎ कुवर, वैद्य आदी उपस्थित होते.‎