दिव्य मराठी विशेष:स्वप्न पहा अन् पूर्ण करण्यासाठी सकारात्मक रहा‎; बीएसएनएलचे सहायक महाव्यवस्थापक अविनाश पाटील यांचे प्रतिपादन‎

युवकांनो विद्यार्थिदशेतच स्वप्न‎ पहा, ध्येयाने कार्यरत रहा. आपले‎ स्वप्न पूर्ण होण्याच्या दृष्टीने प्रत्येक‎ दिवसाची सकारात्मक विचाराने‎ सुरुवात करा. सकारात्मक विचार‎ असणाऱ्या लोकांच्या सहवासात‎ रहा. या छोट्या गोष्टी तुमच्यामध्ये‎ नक्कीच मोठे सकारात्मक विचार‎ रुजवतील अन् तुम्हाला तुमची‎ स्वप्न पूर्ण करता येतील, असे‎ प्रतिपादन नाशिक येथील‎ बीएसएनएलचे सहायक‎ महाव्यवस्थापक अविनाश पाटील‎ यांनी केले.‎

बाभूळगाव येथील एस. एन. डी.‎ अभियांत्रिकी महाविद्यालय व‎‎‎‎‎‎‎‎‎‎‎‎ संशोधन केंद्रामध्ये आयोजित माजी‎ विद्यार्थी मेळाव्यात मार्गदर्शन‎ करताना ते बोलत होते. यावेळी‎ जगदंबा शिक्षण संस्थेचे सेक्रेटरी‎ लक्ष्मण दराडे, प्राचार्य‎ डॉ.डी.एम.यादव आदींच्या हस्ते‎ सरस्वती पूजन तसेच दीपप्रज्वलन‎‎‎‎‎‎‎‎‎‎‎‎ करण्यात आले.

‎प्राचार्य डॉ.डी.एम.यादव म्हणाले‎ की, महाविद्यालयाच्या‎ जडणघडणीत तसेच वाटचालीत‎ महाविद्यालयाच्या माजी विद्यार्थ्यांचे‎ स्थान अत्यंत महत्त्वाचे आहे.‎ आमचे विद्यार्थी वेगवेगळ्या क्षेत्रात‎‎‎‎‎‎‎‎‎‎‎‎ कार्यरत असून त्यांनी‎ महाविद्यालयाचे नाव उज्ज्वल केले‎ आहे. माजी विद्यार्थी संघटनेचे‎ अध्यक्ष सचिन सावंत यांनी‎ संघटनेच्या कार्यकारी मंडळाची‎ ओळख करून दिली व विविध‎ उद्दिष्टे सांगितली. २०१० पासूनचे‎ १०० हून अधिक माजी विद्यार्थी-‎ विद्यार्थिनी आणि आजी-माजी‎ शिक्षकांनी मेळाव्यास उपस्थिती‎ दर्शवत प्रेम व्यक्त केले.

अमोल‎ बर्डे, संजना बाबर, गायत्री दिघे,‎ शशिकांत दुगड या विद्यार्थ्यांनी‎ मनोगत व्यक्त केले. स्थापत्य‎ विभागप्रमुख डॉ. यू. एस.अन्सारी,‎ मेकॅनिकल विभागप्रमुख डॉ.‎ हरजीत पवार, अरविंद घोडके,‎ दत्तात्रय क्षीरसागर, जयंत केंगे,‎ शुभम शिंदे, संगणक विभागप्रमुख‎ डॉ. उमेश पवार, एमबीए‎ विभागप्रमुख डॉ. व्ही. एन. उबाळे,‎ माहिती तंत्रज्ञान विभागप्रमुख प्रा. पी.‎ पी. रोकडे, इलेक्ट्रिकल विभाग‎ प्रमुख डॉ. पी. सी. टापरे आदी‎ उपस्थित होते.‎