मुलांची त्रेधातिरपीट‎:इमारतींअभावी 1088 अंगणवाडीतील‎ बालकांचे समाजमंदिरात ज्ञानार्जन‎

मूलभूत शिक्षणाची बीजे अंगणवाडीत‎ रुजवली जातात. हसतखेळत‎ शिक्षणासोबत पूरक पोषण आहार देऊन‎ विद्यार्थ्यांना शिक्षणाची गोडी या‎ अंगणवाड्यांमध्ये लागावी असा‎ शासनाचा उद्देश असतो. मात्र, जिल्हा‎ परिषदेच्या एकात्मिक बालविकास‎ विभागाच्या जिल्ह्यातील तब्बल ५७८‎ मोठ्या व ५०९ मिनी अंगणवाड्यांना‎ इमारतच नसल्याने जवळपास एक‎ लाखाहून अधिक मुलांची त्रेधातिरपीट‎ सुरू आहे. कधी समाजमंदिर, कधी‎ खासगी अडगळीत पडलेल्या खोल्या तर‎ कधी मंदिरात या चिमुकल्यांना बसवून‎ अध्यापनाचे दिव्य कार्य‎ अंगणवाडीसेविकांना पार पाडावे लागत‎ आहे.

महिला व बालकल्याण विभागावर‎ केवळ तीन टक्के खर्च करण्याची तरतूद‎ असल्याने मोठ्या अंगणवाड्यांनाही‎ इमारतीसाठी निधी मिळणे अवघड होऊन‎ बसले आहे. त्यामुळे मिनी‎ अंगणवाड्यांच्या इमारतीसाठी निधीची‎ तरतूदच करत नाही. एकूणच शासनाकडून‎ पूर्व प्राथमिक मूलभूत शिक्षणाची थट्टा सुरू‎ असल्याची गंभीर बाब समोर आली आहे.‎ जिल्हा परिषदेच्या एकात्मिक‎ बालविकास सेवा योजनेअंतर्गत‎ चालवल्या जाणाऱ्या मोठ्या आणि मिनी‎ अंगणवाड्यांना शासनाने इमारत पुरवणे‎ अपेक्षित आहे. मात्र त्याकडे दुर्लक्ष करत‎ असल्याची बाब या निमित्ताने अधोरेखित‎ झाले आहे.

वाढती लोकसंख्या विचारात‎ घेता अंतराचे नियोजन करत वाड्या-‎ वस्तीवरील छोट्या मुलांना‎ जवळपासशिक्षण घेता यावे, यासाठी‎ मिनी अंगणवाड्यांची संकल्पना‎ राज्यभरात रुजली आहे. नाशिक जिल्हा‎ परिषदेच्या अंतर्गत अनेक मिनी‎ अंगणवाड्या सुरू करण्यात आल्या‎ आहेत. मात्र मान्यता देताना तेथील मुलांना‎ बसण्यासाठी इमारत आहे किंवा नाही‎ याची खात्री एकात्मिक बालविकास‎ विभाग करत नाही. बऱ्याचदा मळ्यातील‎ पडवीत, अडगळीत पडलेल्या खोलीत या‎ मुलांना बसवले जाते. पावसाळ्यात‎ मुलांची बसण्याची गैरसोय होत असल्याने‎ अंगणवाडीसेविकांनाही नाइलाजास्तव‎ चिमुकल्यांना सुट्टी द्यावी लागते.‎

‎मिनी अंगणवाड्यांना इमारती‎ गरजेच्या : इमारती नसल्यामुळे मिनी‎ अंगणवाड्यांमधील बालकांची‎ ससेहोलपट होते. मोठ्या‎ अंगणवाड्यांमध्ये रंगवलेल्या बोलक्या‎ भिंती चिमुकल्यांना खिळवून ठेवतात.‎ खासगी किंवा सार्वजनिक ठिकाणी‎ भरणाऱ्या अंगणवाड्यांमध्ये मात्र अशी‎ कुठलीच व्यवस्था नसते. उघड्यावर‎ मुलांना शिकवताना त्यांचे लक्षही‎ विचलित होते.‎ - सविता कुऱ्हाडे, अंगणवाडीसेविका‎