धरणे‎:शिवतीर्थ परिसर सुशोभीकरण‎ भूमिपूजनाच्या वर्षभरानंतरही काम शून्य‎

गेल्या वर्षी शिवजयंतीला तत्कालीन‎ कृषिमंत्री व विद्यमान पालकमंत्री दादा‎ भुसे यांच्या हस्ते छत्रपती शिवाजी‎ महाराज पुतळा व शिवतीर्थ‎ परिसराच्या सुशोभीकरणाचे‎ भूमिपूजन झाले. वर्षभराचा‎ कालावधी लोटला तरी काम शून्य‎ आहे. याकडे लक्ष वेधण्यासाठी‎ तसेच सुशोभिकरणाचे काम तात्काळ‎ पूर्ण करावे या मागणीकरता आम्ही‎ मालेगावकर विधायक संघर्ष समिती‎ व शिवप्रेमी नागरिकांनी शनिवारी‎ शिवतीर्थाजवळ धरणे आंदोलन‎ केले. सुशोभीकरण कामाला‎ वर्षभराचा विलंब करणाऱ्या‎ अधिकाऱ्यांची चौकशी करून‎ कारवाई करावी, अशी मागणी‎ आंदोलकांनी केली.‎ मालेगाव शहरातील छत्रपती‎ शिवाजी महाराज पुतळा व‎ परिसरातील सुशोभीकरण व्हावे‎ अशी मागणी गेल्या अनेक वर्षांपासून‎ शिवप्रेमी संघटना करीत आहेत.‎

गेल्या वर्षी दि. १९ फेब्रुवारी २०२२‎ रोजी मंत्री भुसे यांच्या हस्ते‎ सुशोभीकरण कामाचे भूमिपूजन‎ करण्यात आले होते. मात्र काम सुरू‎ झाले नाही. त्यामुळे महानगर पालिका‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ प्रशासन व मंत्री भुसे यांनी‎ शिवप्रेमींची दिशाभूल केल्याचा‎ आरोप आंदोलकांनी केला.

कामात‎ झालेल्या दिरंगाईची जबाबदारी‎ निश्चित करून संबंधितांवर कारवाई‎ करावी, शिवतीर्थाचे तत्काळ‎ सुशोभीकरण सुरू करावे,अन्यथा‎ येणाऱ्या काळात तीव्र आंदोलन केले‎ जाईल, असा इशारा आंदोलकांनी‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ दिला.‎ आंदोलनात निखिल पवार, देवा‎ पाटील, सुशांत कुलकर्णी, मदन‎ गायकवाड, रामदास बोरसे, प्रा.‎ अनिल निकम, जितेंद्र दिसले, भरत‎ पाटील, कैलास तिसगे, गुलाब पगारे,‎ शेखर पगार, क्रांती पाटील, कैलास‎ शर्मा, विवेक वारुळे, सतीश कलंत्री,‎ दिनेश पाटील सहभागी झाले होते.‎

कार्यवाहीचे आश्वासन‎
महापालिका सहायक आयुक्त सचिन‎ महाले, शहर अभियंता कैलास बच्छाव‎ यांनी आंदोलनस्थळी भेट देऊन निवेदन‎ घेतले. शिवतीर्थ सुशोभीकरणाबाबत‎ सर्व संघटना प्रतिनिधींची बैठक घेऊन‎ आराखडा अंतिम केला जाईल.‎ शिवजयंतीनंतर तत्काळ काम सुरू‎ तसेच आंदोलकांच्या सूचनांवर योग्य‎ कार्यवाही करू असे आश्वासन यावेळी‎ त्यानी दिले.‎

या’ संघटनांनी‎ घेतला सहभाग‎
शिवजयंती उत्सव समिती,‎ सार्वजनिक गणेशाेत्सव समिती,‎ क्रांतिसूर्य महात्मा जाेतिबा फुले‎ स्मारक कृती समिती, अखिल‎ भारतीय मराठा महासंघ,‎ सार्वजनिक नागरी सुविधा समिती,‎ सार्वजनिक एकता मंच मालेगाव‎ कॅम्प व सर्वपक्षीय शिवप्रेमींनी‎ सहभाग घेतला होता.‎