महोत्सव‎:मालेगावात शुक्रवारपासून पाच दिवस‎ स्थानिक उत्पादने व खाद्यसंस्कृतीचा महोत्सव‎

मालेगावची उत्पादने तसेच‎ कलागुणांना प्रोत्साहन देण्याच्या‎ उद्देशाने शहरात शुक्रवारपासून (दि.‎ ३) मालेगाव महोत्सव सुरू होत‎ आहे. या महोत्सवाच्या उद्घाटनाला‎ महाराष्ट्र केसरी पैलवान सिकंदर‎ शेख उपस्थित राहणार असून‎ स्थानिक व राज्यातील नेते तसेच‎ मान्यवरांना निमंत्रित केले‎ आहे,अशी माहिती महोत्सवाचे‎ आयोजक तथा आमदार आसिफ‎ शेख यांनी पत्रकार परिषदेत दिली.‎ मेड इन मालेगाव फेस्टिव्हलच्या‎ प्रवेश, निर्गमन, पार्किंगसह संपूर्ण‎ नियोजनाची महिती शेख यांनी‎ दिली. ते म्हणाले, शुक्रवारी दुपारी ३‎ वाजेपासून महोत्सवाला प्रारंभ‎ होईल.

हा महोत्सव अराजकीय‎ पद्धतीने आयोजित केला जात आहे.‎ या महोत्सवात मालेगाव शहरातील‎ सर्व शाळा, महाविद्यालये,‎ मदरशातील विद्यार्थ्यांना त्यांच्यातील‎ कलागुण व कौशल्य प्रकट‎ करण्यासाठी मंच उपलब्ध करून‎‎‎‎‎‎‎‎‎‎‎‎‎‎‎‎‎‎‎‎ देण्याचा मानस आहे. विविध‎ सांस्कृतिक सादरीकरणासाठी २१००‎ हून अधिक विद्यार्थी सहभागी होत‎ आहेत. महोत्सवात मालेगावातील‎ जनतेने विशेषतः महिलांनी सहभागी‎ व्हावे,असे आवाहन शेख यांनी‎ केले. मिनारा हॉटेलसमोरील‎ मैदानात पार्किंगसाठी युनिव्हर्सल‎ सायझिंगजवळ व्यवस्था करण्यात‎ आली आहे. कोल्हापूरचे माजी‎ महाराष्ट्र केसरी सिकंदर शेख यांना‎‎‎‎‎‎‎‎‎‎‎‎‎‎‎‎‎‎‎‎ दि.८ फेब्रुवारी रोजी मालेगाव येथे‎ आमंत्रित केले आहे.‎ सुरक्षा व्यवस्था: महोत्सवात २५‎ सुरक्षारक्षक , २०० स्वयंसेवक तसेच‎ संपूर्ण महोत्सवावर सीसीटीव्ही‎ कॅमेऱ्यांद्वारे लक्ष ठेवण्यात येणार‎ आहे. गर्दीवर लक्ष ठेवण्यासाठी‎ वॉच टॉवर उभारण्यात आला आहे.‎ रुग्णवाहिका व अग्निशमन दलाच्या‎ जवानांची व्यवस्था करण्यात आली‎ आहे.‎

२०५ स्टॉल्स, ३०० लोकांच्या भोजनासाठी राउंड टेबल‎
महोत्सवात सेल झोनमध्ये १३७ आणि फूड झोनमध्ये ६८ स्टॉल्स उभारले‎ जात आहेत, अशा प्रकारे २०५ स्टॉल्स उभारण्यात येत आहेत. प्रसिद्ध‎ हॉटेल्सचे टेबल्स लावले जात आहेत. एकाच वेळी ३०० लोकांसाठी राउंड‎ टेबलवर जेवणाची व्यवस्था केली जात आहे. पाच हजार खुर्च्या असलेल्या‎ सभागृहाची व्यवस्था करण्यात आली आहे.महिलांसाठी स्वतंत्र मार्ग आहेत.‎ स्पर्धेत ७० शाळा व १५ मदरशातील २००० विद्यार्थी सहभागी होत आहेत.‎