मार्गदर्शन:आर्थिक क्षेत्र जबाबदारीचे‎; कमको बँकेच्या नवनिर्वाचित‎ संचालक मंडळाला मार्गदर्शन‎

‎आज बँकिंग क्षेत्रात रोज नवीन आव्हाने‎ समोर येत आहेत. त्यामुळे इतर क्षेत्रांपेक्षा‎ आर्थिक क्षेत्र अधिक जबाबदारीचे आहे.‎ कमको बँकेचे कामकाज समाधानकारक‎ असून जिल्हा बँकेतील ठेवी कमको बँकेला‎ परत मिळण्यासाठी आमदार सत्यजित‎ तांबेंमार्फत मदत करण्याची ग्वाही पदवीधर‎ मतदारसंघाचे माजी आमदार डॉ. सुधीर तांबे‎ यांनी दिली.‎ पदवीधर मतदारांच्या आभार दौऱ्यासाठी‎ माजी आमदार डॉ. सुधीर तांबे कळवण येथे‎ आले असता कमको बँकेला भेट देऊन‎ नवनिर्वाचित अध्यक्ष व उपाध्यक्षांचा सत्कार‎ केला. त्यावेळी डॉ. तांबे यांनी कमको बँकेला‎ मदत करण्याचे आश्वासन देत मार्गदर्शन‎ केले.‎

यावेळी उपाध्यक्ष दीपक वेढणे यांनी डॉ.‎ सुधीर तांबे यांच्या कामकाजाची पद्धत सांगत‎ पंधरा वर्षांच्या कामकाजाला उजाळा देत डॉ.‎ तांबे यांचे आभार मानले.‎ यावेळी अध्यक्ष योगेश महाजन, संचालक‎ प्रविण संचेती, सुभाष शिरोडे, नितीन‎ वालखेडे, विनोद मालपुरे, रंगनाथ देवघरे,‎ सागर शिरोरे, सतीश कोठावदे, लक्ष्मण‎ खैरनार, शालिनी महाजन, भारती कोठावदे‎ आदींसह लहानू धुळगंड, व्यवस्थापक‎ कैलास जाधव, महारू निकम, संभाजी‎ पवार, अभिजित पवार, मनोज घुगे, स्वप्नील‎ अमृतकर आदी उपस्थित होते.‎