​​​​​​​ मालेगाव मनपा‎ प्रशासनाची कारवाई‎:थकबाकी वसुलीसाठी‎ सील केले पाच गाळे‎

महापालिका प्रशासनाने थकबाकी ‎वसुलीसाठी जप्तीची कठाेर कारवाई ‎सुरू केली आहे. कलेक्टरपट्टा‎ भागातील एका थकबाकीदाराचे‎ पाच गाळे सील करण्यात आले.‎ मनपा हद्दीत भाेगवटादारांना ‎मालमत्ताकर, पाणीपट्टी तसेच‎ घरपट्टीची मागणी देयके पाठविली ‎ आहेत. ज्यांनी अद्याप कर भरलेला ‎ नाही, त्यांना अंतिम नाेटिसा बजावून ‎तंबी देण्यात आली आहे. नाेटिसा ‎बजावूनही कर न भरणाऱ्या ‎व्यक्तींविराेधात कायदेशीर जप्ती ‎कारवाई हाती घेण्यात आली आहे. ‎

थकबाकीदारांवर जप्ती‎ कारवाईसाठी वाॅर्डनिहाय पथकांची ‎स्थापना केली आहे. प्रभाग समिती ‎कार्यालय १ क्षेत्रातील कलेक्टरपट्टा ‎ भागात जप्तीची कारवाई करण्यात ‎ ‎ आली. तिघा थकबाकीदारांचे पाच‎ गाळे सील करून नाेटीस‎ चिकटविण्यात आली आहे.‎ नागरिकांनी थकीत कर भरून‎ जप्तीची कारवाई टाळण्याचे‎ आवाहन प्रशासक भालचंद्र गाेसावी ‎यांनी केले आहे. कारवाईत प्रभाग ‎अधिकारी जगदीश बडगुजर, जप्ती ‎ ‎ अधिकारी रमाकांत धामणे, जयवंत ‎ ‎ पाटील, राजेश दिवे, माेहन बागूल, ‎ ‎जाेगेंद्र पाथरे आदी कर्मचारी‎ सहभागी झाले आहेत.‎

दंडनीय व्याजात सूट‎
मिळकतधारकांच्या साेयीसाठी‎ मालमत्ता व पाणीपट्टी कर थकबाकी‎ वसुलीसाठी दंडनीय व्याजात सूट‎ देण्याचा निर्णय मनपाने घेतला आहे.‎ ३१ जानेवारीपर्यंत दंडनीय व्याजात‎ ७० टक्के सूट देण्यात आली हाेती.‎ आता फेब्रुवारी महिन्यात जे करांचा‎ भरणा करतील त्यांनाही दंडनीय‎ व्याजामध्ये ५० टक्के सूट मिळणार‎ आहे. व्याज सूटचा लाभ घेता यावा‎ म्हणून शनिवार, रविवार तसेच‎ सार्वजनिक सुट्टीच्या दिवशीही‎ प्रभाग कार्यालयांचे वसुली व कर‎ भरणा कामकाज नियमित वेळेत‎ सुरू राहणार आहे.‎