निवेदन:जुन्या पेन्शनसाठी जि. प. कर्मचारी महासंघाचा संप‎

नवीन पेन्शन योजना रद्द करून‎ सर्वांना जुनीच पेन्शन योजना‎ पूर्वलक्षी प्रभावाने लागू करावी,‎ दीर्घकाळ सेवेत असलेले सर्व‎ कंत्राटी व योजना कामगारांना समान‎ किमान वेतन देऊन त्यांच्या सेवा‎ नियमीत आस्थापनेवर कायम‎ करावे, यासह विविध मागण्यांसाठी‎ राष्ट्र राज्य जिल्हा परिषद कर्मचारी‎ महासंघाच्या वतीने मंगळवार (दि.‎ १४) पासून बेमुदत संप पुकारण्यात‎ आला आहे यासंदर्भात सिन्नर‎ तालुका शाखेच्या वतीने गटविकास‎ अधिकारी मधुकर मुरकुटे,‎ तहसीलदार एकनाथ बंगाळे यांना‎ निवेदन देण्यात आले.‎

महाराष्ट्र राज्य जिल्हा परिषद‎ कर्मचारी महासंघाचे तालुका‎ अध्यक्ष परेश जाधव, सरचिटणीस‎ गणेश वाजे, मानद अध्यक्ष धनंजय‎ डावरे यांच्या नेतृत्वाखाली‎‎‎‎‎‎‎‎‎‎‎‎‎‎‎‎‎ ग्रामसेवक युनियनचे तालुकाध्यक्ष‎ संजय गिरी, महाराष्ट्र राज्य प्राथमिक‎ शिक्षक संघाचे तालुकाध्यक्ष मनोहर‎ आव्हाड, शिक्षक सेनेचे‎ तालुकाप्रमुख खंडेराव आव्हाड,‎ शिक्षक समितीचे तालुका अध्यक्ष‎ अशोक कासार, आदर्श शिक्षक‎‎‎‎‎‎‎‎‎‎‎‎‎‎‎‎‎ समितीचे राजू सानप, महाराष्ट्र राज्य‎ जुनी पेन्शन समितीचे तालुकाध्यक्ष‎ रवींद्र सातव, दिव्यांग कर्मचारी‎ संघटनेचे विठ्ठल दौंड आदींसह‎ पदाधिकाऱ्यांच्या स्वाक्षरीचे निवेदन‎ यावेळी देण्यात आले.

आरोग्य‎ विभागास अग्रक्रम देऊन रिक्त पदे‎‎‎‎‎‎‎‎‎‎ तात्काळ भरावीत चतुर्थ श्रेणी व‎ वाहनचालक कर्मचाऱ्यांच्या‎ पदभरती केलेल्या मज्जाव तत्काळ‎ हटवावा, अनुकंपा तत्त्वावरील‎ नियुक्ती करताना कोरोनाकाळात‎ मृत पावलेल्या कर्मचाऱ्यांच्या‎ पाल्यांना विहित वयमर्यादेत सूट‎ द्यावी, शिक्षक कर्मचाऱ्यांचे प्रलंबित‎ प्रश्न सोडवावेत, जिल्हा परिषदेचे‎ क्षेत्रीय स्थरावरील शिक्षक व इतर‎ कर्मचाऱ्यांना मुख्यालया संदर्भात‎ ग्रामसभा ठरावाची अट शिथिल‎ करावी आदी मागण्यांचा निवेदनात‎ समावेश करण्यात आला आहे.‎

शासकीय कामकाज होणार प्रभावित‎
जुनी पेन्शन योजनेच्या मागणीसाठी तहसील, नगरपालिका, पंचायत समिती,‎ जिल्हा परिषद प्राथमिक शिक्षक, ग्रामसेवक आणि इतर सर्वच शासकीय‎ कार्यालयातील कर्मचाऱ्यांनी संपाची हाक दिल्याने सर्वच कार्यालयातील‎ कारभार प्रभावित होणार आहे.‎