गैरसोय दूर:महादेव मंदिराजवळ गिरणा नदीवर‎ पुलासाठी सव्वा काेटी निधी मंजूर‎

शहरालगत असलेल्या महादेव मंदिराजवळील गिरणा‎ नदीवर पुलाचे काम होणार आहे. यासाठी कळवण‎ आदिवासी सार्वजनिक विभागाकडून सव्वा कोटी‎ रुपयांचा निधी मंजूर झाला असून या कामाचे भूमिपूजन‎ आमदार नितीन पवार याचे हस्ते करण्यात आले. या‎ पुलाच्या कामामुळे ४७ शेतकऱ्यांची गैरसोय दूर होईल.‎ कळवण, नाकोडा व एकलहरे या तीन गावाचे शिवार‎ असलेल्या कर्दळ परिसरातील शेतकऱ्यांना आपल्या‎ शेतात जाण्यासाठी किंवा शेतातून कळवणमध्ये‎ येण्यासाठी एकलहरे किंवा नाकोडे गावाकडून तीन ते‎ चार किमी अंतरावरून हेलपाटा मारून जावे लागत‎ होते.

तसेच मळ्यात वास्तव्यास असलेल्या‎ शेतकऱ्यांच्या मुलांना पावसाळ्यात शाळेत जातांना‎ चिखल तुडवत शाळा गाठावी लागते. पूल नसल्यामुळे‎ शेतकऱ्यांनाा भाजीपाला सारखे नगदी पिके घेता येत‎ नाही. या पुलामुळे शहरातील रामनगर व कर्दळ शिवार‎ जोडले जाणार आहे. पुलासाठी आमदार नितीन पवार व‎ नगराध्यक्ष कौतिक पगार यांच्या प्रयत्नाने सव्वा कोटी‎ रुपयांचा निधी उपलब्ध झाला आहे. पुलाचे भूमिपूजन‎ आमदार नितीन पवार यांचे हस्ते झाले.

यावेळी‎ नगराध्यक्ष कौतिक पगार, रोहित पगार, प्राचार्य बी. एस‎ पगार, साहेबराव पगार, अतुल पगार, जयेश पगार,‎ नगरसेवक राहुल पगार, राहुल पगार, बळीराम पगार,‎ सुरेश पगार, शंकरराव निकम, साहेबराव निकम, गुलाब‎ निकम, संजय निकम, अशोक निकम, गिरीश पगार‎ आदींसह मोठ्या प्रमाणावर शेतकरी उपस्थित होते.‎