दिव्य मराठी विशेष:कठोर परिश्रम हीच यशाची गुरुकिल्ली‎

स्पर्धा परीक्षा असो किंवा‎ कोणतेही क्षेत्र, कठोर परिश्रम‎ हीच यशाची गुरुकिल्ली आहे.‎ स्पर्धा परीक्षेची तयारी करणाऱ्या‎ विद्यार्थ्यांनी स्पर्धा परीक्षेस‎ उपयुक्त विषय पदवीसाठी‎ निवडावेत, चांगले छंद‎ जोपासावेत व सगळ्यात‎ महत्त्वाचे म्हणजे चांगले मित्र‎ असल्यास कोणत्याही कठीण‎ प्रसंगाचा सामना करता येतो, असे‎ प्रतिपादन मुंबई येथील‎ जवाहरलाल नेहरू पोर्ट ट्रस्टचे‎ डेप्युटी चेअरमन आय.आर.एस.‎ उमेश वाघ यांनी केले.‎ येथील मविप्रच्या कर्मवीर‎ आबासाहेब तथा ना. म. सोनवणे‎‎‎‎‎‎‎‎‎‎‎‎‎ कला, वाणिज्य व विज्ञान‎ महाविद्यालय व रोटरी क्लब ऑफ‎ सटाणा यांच्या संयुक्त विद्यमाने‎ महाविद्यालयाच्या इतिहास विभाग‎ व माजी विद्यार्थी मंचद्वारा‎ आयोजित ‘स्पर्धा परीक्षा व‎ व्यवसाय मार्गदर्शन'' कार्यक्रमात‎‎‎‎‎‎‎‎‎‎‎‎‎ ते बोलत होते.

यावेळी मविप्रचे‎ संचालक डॉ. प्रसाद सोनवणे,‎ सटाणा रोटरी क्लबचे अध्यक्ष‎ नितीन मगर, नाशिक प्रसिद्ध‎ उद्योजक विवेक कापडणीस,‎ उद्योजिका आशा वेणुगोपाल‎ प्रमुख पाहुणे म्हणून उपस्थित‎ होते. उद्योजक कापडणीस‎ यांनी कोणतीही पार्श्वभूमी‎ नसताना देखील यशस्वी उद्योजक‎ बनता येते हे स्वत:चे उदाहरण‎ देउन सांगितले. उद्योजक म्हणून‎ यशस्वी होण्यासाठी अनुभवातून‎ मिळालेले ज्ञान महत्त्वाचे असते.‎ स्पर्धा प्रत्येक क्षेत्रात असते.‎ स्पर्धेत संधी शोधून स्पर्धेत टिकून‎ राहण्यासाठी सतत अपडेट रहावे,‎ असे आवाहन विद्यार्थ्यांना केले.‎ प्राचार्य डॉ. विजय मेधणे यांनी‎ प्रास्ताविक केले, प्रा.अनिल‎ पाटील यांनी पाहुण्यांचा परिचय‎ करून दिला, तर प्रा. अमित‎ निकम यांनी सूत्रसंचालन केले.‎ कार्यक्रमासाठी‎ प्रा. अशोक डिंबर,‎ प्रा. स्वामी पवार व प्रा.धनंजय‎ पवार यांनी विशेष परिश्रम घेतले.‎