एकच मिशन, जुनी पेन्शन:आराेग्यसेवा विस्कळीत, शाळा बंद;‎ शासकीय कार्यालयांचे कामकाज ठप्प‎

‘एकच मिशन, जुनी पेन्शन’ अशी‎ घोषणा देत राज्य सरकारी कर्मचाऱ्यांनी‎ जुन्या पेन्शनसाठी एल्गार पुकारला.‎ पंचायत समिती समोर कर्मचाऱ्यांनी‎ धरणे आंदोलन केले. महसूल, पंचायत‎ समिती, शिक्षण, आरोग्य, पशू आदी‎ विभागांतील विविध संघटनांनी‎ एकत्रित येत तहसीलदार एकनाथ‎ बंगाळे यांना निवेदन दिले. सिन्नर‎ तालुका तलाठी संघटनेने निदर्शने‎ केली. मनेगाव येथे माध्यमिक‎ शाळेतील कर्मचाऱ्यांनी काळ्या फिती‎ लावून काम केले. तालुक्यात विविध‎ विभागांतील २००० कर्मचारी‎ सोमवारपासून बेमुदत संपावर गेले‎ आहेत. दरम्यान, शाळा बंद असल्याने‎ विद्यार्थी माघारी परतले. ग्रामीण‎ भागातील ग्रामस्थ सरकारी‎ कामकाजासाठी महसूल, पंचायत‎ समितीत आले होते संप असल्याने तेही‎ मागे परतले.‎

जिल्हा परिषद कर्मचारी महासंघ,‎ मुख्याध्यापक संघ, जिल्हा परिषद‎ कर्मचारी युनियन, लेखा कर्मचारी‎ संघटना, लिपिकवर्गीय कर्मचारी‎ संघटना, शिक्षक-शिक्षकेतर कर्मचारी‎ संघटना, अंगणवाडी सुपरवायझर‎ संघटना, ग्रामसेवक संघटना, विस्तार‎ अधिकारी संघटना, वाहन चालक‎ संघटना, सिन्नर तालुका तलाठी‎ कर्मचारी संघटना, दिव्यांग कर्मचारी‎ संघटना, पदवीधर शिक्षक संघटना‎ यासह विविध संघटनांनी संपात‎ सहभाग घेतला. आरोग्य विभागात‎ कंत्राटी कर्मचाऱ्यांच्या सहाय्याने‎ वैद्यकीय अधिकाऱ्यांनी कामकाज सुरू‎ ठेवले.‎

..या आहेत मागण्या‎
२००४ पासून बंद केलेली जुनी पेन्शन‎ याेजना लागू करावी, नवीन पेन्शन‎ याेजना रद्द करावी, प्रदीर्घकाळ‎ सेवेतील कंत्राटी कामगारांना समान‎ वेतन द्यावे, काेणत्याही अटींविना‎ अनुकंपा तत्त्वावरील नियुक्त्या‎ कराव्यात, सर्वप्रकारचे भत्ते केंद्र‎ सरकारप्रमाणे मंजूर करावेत,‎ सेवानिवृत्तीचे वय ६० वर्षे करावे,‎ नवीन शिक्षण धाेरण रद्द करावे,‎ आराेग्य कर्मचाऱ्यांच्या समस्यांचे‎ तात्काळ निराकरण करावे.‎