सन्मान‎:कर्तृत्ववान महिला डॉक्टरांचा सन्मान‎

मेडिकल प्रॅक्टिशनर असोसिएशन‎ आयोजित महिला डॉक्टरांच्या‎ हळदी-कुंकूनिमित्त झालेल्या‎ कार्यक्रमात विविध सांस्कृतिक‎ कार्यक्रमाचे गुणदर्शन महिला‎ डॉक्टरांनी सादर करून या‎ कार्यक्रमाचा आनंद घेतला.‎ प्रजासत्ताक दिनी येथील आसरा‎ लॉन्स येथे पार पडलेल्या या‎ कार्यक्रमात कर्तृत्ववान महिला‎ डॉक्टरांचा सन्मान करण्यात आला.‎ नियोजन डॉ. दीपाली क्षत्रिय,‎ स्त्रीराेगतज्ज्ञ संगीता पटेल,डॉ.‎ स्वाती सोनवणे यांनी केले तर स्त्री‎ रोग तज्ञ डॉ. कविता दराडे यांचे‎ सहकार्य लाभले.

तेजस्वी जेजूरकर‎ व रितुषा जेजूरकर या बहिणींनी‎ ‘वक्रतुंड एकदंताय’ या गणेशवंदना‎ गीतावर सुंदर नृत्य सादर करत‎ कार्यक्रमाचा प्रारंभ झाला. डॉ.‎ दीपाली क्षत्रिय व कर्मचाऱ्यांनी ‘माेहे‎ मोहे तू रंग दे बसंती’ या गाण्यावर‎ दिलखेचक समूहनृत्य सादर करून‎ वाहवा मिळविली.

बालकलाकार‎ आराध्या काटे या चिमुरडीने वेड‎ लागले या गाण्यावर अप्रतिम नृत्य‎ केले तर डॉ.विद्या चौधरी यांनी‎ देखील नृत्याविष्कार सादर केला.‎ डॉ. स्वाती सोनवणे यांनी मनोगत‎ व्यक्त केले . सूत्रसंचालन डॉ. रंजना‎ काटे यांनी केले. यानिमित्ताने‎ हळदीकुंकू व संक्रात वाणांचे वाटप‎ करण्यात आले. तसेच महिलांच्या‎ झालेल्या उखाणा स्पर्धा ही रंगल्या.‎ यात डॉ. जयश्री जाधव यांनी प्रथम‎ क्रमांक मिळविला. लता क्षत्रिय,‎ प्रियंका काकड, डॉ. गीतांजली‎ सोनवणे, डॉ. मनीषा वाघ, डॉ.‎ मनीषा गोसावी, शुभा पैठणकर,‎ शीतल भागवत, प्रीती शिंदे, भारती‎ विंचू, राधिका गायके, पौर्णिमा‎ करवा, राजश्री गहलोत, कांबळे,‎ करिष्मा सोनवणे उपस्थित होते.‎