निवडणूक:इगतपुरी खरेदी विक्री संघ निवडणूक अविरोध‎

इगतपुरी तालुका खरेदी विक्री संघांची‎ निवडणूक माघारीच्या दिवशी अविरोध‎ झाली. पनास वर्षात पहिल्यांदाच खरेदी‎ विक्री संघाची निवडणूक अविरोध झाली‎ आहे. तालुका खरेदी विक्री संघासाठी‎ एकूण १७ जागेंसाठी ५१ अर्ज आले होते.‎ त्यामध्ये ३४ उमेदवारांनी गुरुवारी माघार‎ घेतल्याने १७ जागा अविरोध झाल्या‎ आहेत, अशी माहिती निवडणूक निर्णय‎ अधिकारी संजय गायकवाड यांनी दिली‎ आहे.‎

विशेष म्हणजे गेल्या चाळीस ते पन्नास‎ वर्षात डबघाईस गेलेल्या संघाचे रुपडे‎ बदलवणारे खरेदी विक्री संघाचे अध्यक्ष‎ ज्ञानेश्वर लहाने यांची दुसऱ्यांदा अविरोध‎ निवड झाली आहे, दरम्यान त्यांच्या‎ विरोधात एक ही अर्ज नसल्याने ते‎‎‎‎‎‎‎‎‎‎‎‎‎‎‎ निवडणूक प्रक्रियेत ते यापूर्वीच विजयी‎ होते. अविराेध निवडीसाठी माजी‎ आमदार शिवराम झोले, जिल्हा नेते अॅड.‎ संदीप गुळवे, जिल्हा परिषद सदस्य‎ गोरख बोडके, अध्यक्ष ज्ञानेश्वर लहाने,‎‎‎‎‎‎‎‎‎‎‎‎‎‎‎ शिवसेनेचे उपजिल्हाप्रमुख निवृत्ती‎ जाधव यांनी नेतृत्त्व केले आहे. यावेळी‎ माजी आमदार काशीनाथ मेंगाळ, रमेश‎ जाधव, कचरू डुकरे, भाऊसाहेब‎ खातळे आदी उपस्थित होते.‎

अविराेध निवड झालेले सदस्य‎
माजी आमदार शिवराम झोले, ज्ञानेश्वर लहाने, सुनीता गुळवे, आशाबाई देवगिरे,‎ सुनील जाधव, बेलगाव तऱ्हाळे सोसायटीचे अध्यक्ष समाधान वारुंगसे, पांडुरंग खातळे,‎ अरुण गायकर, जयराम धांडे, प्रकाश गव्हाणे, देविदास जाधव, संजय जाधव, अनिल‎ तोकडे, रमेश धांडे, देवराम म्हसने, मोहन भोर, भरत कातोरे यांची निवड झाली आहे.‎