कारवाई‎:दारूची बेकायदेशीर‎ वाहतूक; दोघांविरुद्ध गुन्हा‎

तालुक्यातील मंगरुळ शिवारातील‎ तळवाडेराेडवर वाहनातून दारूची‎ बेकायदेशीरपणे वाहतूक करताना‎ मिळून आल्याने चांदवड पोलिसांनी‎ दोघांविरुद्ध गुन्हा दाखल केला‎ असून एकूण ४ लाख ६५ हजार ६५०‎ रुपयांचा मुद्देमाल जप्त केला आहे.‎ पाेलिस अधीक्षकांनी तयार‎ केलेल्या विशेष पथकाने गुप्त‎ माहितीच्या आधारे कारवाई करून‎ मंगरुळ शिवारातील तळवाडे रोडवर‎ दारुची अवैधरित्या वाहतूक करणारी‎ कार (एमएच १५ एचएच १७३२)‎ ताब्यात घेतली.

या कारवाईत‎ पोलिसांनी देशी-विदेशी दारुचे‎ बॉक्स दाेन माेबाइल, २ लाख १३‎ हजार ८० रुपयांची रोकड व १ लाख‎ ५० हजार रुपये किमतीची कार असा‎ एकूण ४ लाख ६५ हजार ६५० रुपये‎ किमतीचा मुद्देमाल जप्त केला.‎ याप्रकरणी चांदवड पोलिसांत देवेश‎ राकेश कांबळे (१९, रा. पंचवटी,‎ नाशिक) व किरण उर्फ मयुर‎ देविदास पवार (२८, रा. खेडगाव‎ ता. दिंडोरी) यांच्याविरुद्ध गुन्हा‎ दाखल करण्यात आला आहे.‎ याबाबत अधिक तपास हवालदार‎ दीपक मोरे करीत आहेत.‎