गाैरव‎‎:चांदवड अध्यापक विद्यालयात‎ विविध स्पर्धेतील गुणवंतांचा गाैरव‎‎

येथील श्री नेमिनाथ जैन‎ ब्रम्हचर्याश्रम संचालित, लीलाबाई‎ दलूभाऊ जैन अध्यापक विद्यालयात‎ बक्षीस वितरण २०२२-२३ कार्यक्रम‎ उत्साहात पार पडला. कार्यक्रमाची‎ सुरुवात माता सरस्वती व संस्थापक‎ पू. काकाजी यांच्या प्रतिमापूजनाने‎ करण्यात आली. कार्यक्रमाच्या‎ अध्यक्षस्थानी संस्थेच्या प्रबंध‎ समितीचे सदस्य व अध्यापक‎ विद्यालयाचे समन्वयक सीए‎ महावीर पारख होते. अध्यक्षीय‎ भाषणात त्यांनी छात्राध्यापकांना‎ संबोधित करताना देशासाठी कार्य‎ करत असताना आपले कौशल्य‎ वापरून येणाऱ्या प्रलोभनापासून दूर‎ रहावे. तसेच मोबाइलचा उपयोग‎ योग्य कामासाठी करावा असे‎ आवाहन केले. माध्यमिक‎ विद्यालयाच्या प्राचार्य डॉ. संगीता‎ बाफना यांनी मनोगत व्यक्त केले.‎

अध्यापक विद्यालयाचे प्राचार्य‎ धनंजय मोरे यांनी शैक्षणिक वर्ष‎ २०२२-२३ मध्ये छात्राध्यापकांनी‎ मिळविलेल्या यशाचा व अध्यापक‎ विद्यालयाच्या कार्याचा अहवाल‎ प्रास्ताविक स्वरूपात सादर केला.‎ अध्यापक विद्यालयात घेण्यात‎ आलेल्या बौद्धिक विभागात‎ वादविवाद, निबंध, काव्यवाचन,‎ वक्तृत्व व क्रीडा विभागात खो-खो,‎ गोळाफेक, थाळीफेक, १०० मी.‎ धावणे, २०० मी. धावणे, उंच उडी,‎ लांब उडी तसेच कलात्मक‎ विभागात पाककला, मेहंदी,‎ रांगोळी, पारंपारिक वेशभूषा आदी‎ स्पर्धांमध्ये व वार्षिक परीक्षेत यश‎ मिळविलेल्या गुणवंत विद्यार्थ्यांचा‎ प्रमाणपत्र व स्मृतिचिन्ह देऊन‎ मान्यवरांच्या हस्ते गौरव करण्यात‎ आला.

यशस्वी विद्यार्थ्यांचे‎ संस्थेच्या विश्वस्त समितीचे अध्यक्ष‎ बेबीलाल संचेती, विश्वस्त समितीचे‎ उपाध्यक्ष दिनेश लोढा, मानद सचिव‎ जवाहरलाल आबड, प्रबंध‎ समितीचे अध्यक्ष अजित सुराणा,‎ प्रबंध समितीचे उपाध्यक्ष अरविंद‎ भन्साळी, प्रशासकीय अधिकारी‎ प्रमोद गाळणकर यांनी अभिनंदन‎ केले. कार्यक्रमाचे सूत्रसंचालन‎ संचिता सोमासे हिने केले. प्रा.‎ विजय गुंजाळ यांनी आभार मानले.‎