गौरव:के.प्रभाकर विद्यालयातील स्नेहसंमेलनात‎ कलागुणांसह आध्यात्मिक संस्काराचे दर्शन‎

अभिनव सांस्कृतिक मंडळ‎ संचालित के. प्रभाकर दत्तात्रय गुप्ते‎ पूर्वप्राथमिक व प्राथमिक आदर्श‎ विद्यालयाच्या वार्षिक‎ स्नेहसंमेलनात विद्यार्थ्यांनी‎ श्रीमदभगवदगीता व श्रीकृष्णाष्टकचे‎ सामूहिक पठण, गणेश वंदना,‎ गोंधळ,ईशस्तवन आदी‎ आध्यात्मिक संस्काराचे दर्शन‎ घडवून आणतानाच देशभक्तीपर‎ गीते, शेतकरी गीते, आदिवासी गीते,‎ कोळी गीते, विविध नृत्याविष्कार व‎ अनेक वैविध्यपूर्ण कलागुणांचा‎ आविष्कार सादर केला. संस्कार,‎ संस्कृती, कला व आध्यात्मिक‎ दृष्टीचे हे मालेगावच्या शैक्षणिक‎ विश्वातील अनोखे स्नेहसंमेलन‎ ठरले.‎

कॅम्पातील बालगंधर्व नाट्यमंदिर‎ येथे हे दोन दिवशीय स्नेहसंमेलन‎ झाले. उद‌्घाटन समारंभाला प्रमुख‎ अतिथी म्हणून वरदा गुप्ते प्रधान‎ उपस्थितीत होत्या. अध्यक्षस्थानी‎ संस्थेच्या अध्यक्षा शैलजा गुप्ते‎ होत्या. सचिव अरविंद गुप्ते,‎ खजिनदार सुधाकर मालपुरे व‎ कार्यकारिणी सदस्य सुयोग प्रधान‎ उपस्थित होते. मुख्याध्यापिका‎ प्राजक्ता मिश्रा यांनी प्रमुख‎ अतिथींचा सत्कार केला.‎ क्रीडास्पर्धेतील विजेत्या विद्यार्थ्यांचा‎ प्रधान, गुप्ते व संस्थेच्या पदाधिकारी‎ यांच्या हस्ते बक्षिसे देऊन गौरव‎ करण्यात आला. कार्यक्रमाच्या‎ दुसऱ्या दिवशी प्रमुख अतिथी म्हणून‎ महापालिकेच्या आरोग्य अधिकारी‎ डॉ. सपना ठाकरे उपस्थित होत्या.‎

गुप्ते यांनी त्यांचे स्वागत करून‎ सत्कार केला. शैक्षणिक प्रगतीत‎ अव्वल असलेल्या इयत्ता पाचवी ते‎ सातवीच्या विद्यार्थ्यांना एक हजार‎ एक रुपये पारितोषिक देऊन‎ गौरविण्यात आले. कार्यक्रमाचे‎ प्रास्ताविक राहुल कापडणीस यांनी‎ तर सूत्रसंचालन वर्षा विभांडीक,‎ चेतन राजपूत, कविता पवार,‎ भाग्यश्री बोरसे यांनी केले.‎ कार्यक्रमासाठी विद्यालयाच्या‎ शिक्षिका अश्विनी जक्कलवाड,‎ प्रभू शिंदे, मीना कुलकर्णी, कल्पना‎ देशपांडे, प्रतिमा बोरसे, बापू त्रिभुवन‎ तसेच सर्व शिक्षकांनी परिश्रम‎ घेतले. कार्यक्रमास पालकांनी‎ मोठ्या संख्येने उपस्थित राहून‎ प्रतिसाद दिला.‎