पाहणी‎:मनपाच्या बेघर निवारागृहाची‎ संनियत्रंण समितीकडून पाहणी‎

महानगरपालिकेच्या राष्ट्रीय उपजीविका‎ अभियान विभागा अंतर्गत तयार करण्यात‎ आलेल्या जिव्हाळा शहरी बेघरासाठी निवारा‎ या पंचशील हॉटेल पाठीमागील निवारा गृहाची‎ राज्य निवारा संनियत्रंण समितीकडून पाहणी‎ करण्यात आली.‎ शहरी बेघरांसाठी सर्वोच्च न्यायालय नियुक्त‎ राज्य निवारा संनियंत्रण समितीचे अध्यक्ष‎ उज्ज्वल उके, महेंद्र कांबळे यांच्यासह नगर‎ परिषद प्रशासन संचालनालय, मुंबईचे उपायुक्त‎ रोहिदास दोरकुळकर, राज्य अभियान‎ व्यवस्थापक रवींद्र जाधव, प्रसाद राजेभोसले‎ यांनी पालिका बेघरासाठी निवारा केंद्राला भेट‎ दिली.‎

येथील देखभाल व व्यवस्थापन कामी नियुक्त‎ करण्यात आलेल्या राईट वे सामाजिक,‎ शैक्षणिक बहुउद्देशीय संस्थेचे अध्यक्ष यांना‎ समितीचे सदस्य यांनी केंद्रातील सोयीसुविधा‎ बाबत माहिती जाणून घेतली. समितीने बेघर‎ निवारा केंद्रात राहत असलेल्या लाभार्थी‎‎‎‎‎‎‎‎‎‎‎‎‎‎‎‎‎‎ नागरिकांशी संवाद साधून चर्चा केली. पालिका‎ कॉन्फरन्स हॉलमध्ये झालेल्या बैठकीत राज्य‎ निवारा संनियंत्रण समितीचे इतर दोन सदस्य‎ प्रमिला जारग व ब्रिजेशकुमार आर्य हे‎ ऑनलाइन उपस्थित होते.‎

३६ लाभार्थी‎
महापालिकेच्या जिव्हाळा निवारा केंद्रात ३६‎ सद्य स्थितीतील लाभार्थी आहेत. लाभार्थी‎ यांचे राष्ट्रीयीकृत बँकेत बचत खाते उघडणे,‎ लाभार्थींचे कोविड प्रतिबंधक लसीकरण‎ करणे, लाभार्थी यांना रोजगार उपलब्ध करुन‎ देणे, महिला लाभार्थी यांचे स्वयं सहायता‎ बचत गट तयार करणे, निवाराचा वाढदिवस‎ आणि निवाऱ्यातील लाभार्थ्यांचा वाढदिवस‎ साजरा करणे, लाभार्थींची नियमित वैद्यकीय‎ तपासणी करणे, लाभार्थी यांची मतदार नोंदणी‎ करणे, लाभार्थी यांचे आधार कार्ड तयार करणे‎ या सारख्या कामाची सविस्तर माहिती पालिका‎ प्रकल्प अधिकारी रोहित कन्नोर यांनी यावेळी‎ दिली.‎