आगळावेगळा‎ उपक्रम:विद्यार्थ्यांच्या मातांसाठी नेमिनाथ जैन‎ विद्यालयाचा इंग्लिश स्पीकिंग कोर्स‎

येथील श्री नेमिनाथ जैन विद्यालयात‎ विद्यार्थ्यांच्या मातांसाठी इंग्लिश‎ स्पीकिंग कोर्सचा आगळावेगळा‎ उपक्रम सुरू करण्यात आल्याची‎ माहिती प्राचार्य डॉ. संगीता आर.‎ बाफना यांनी दिली.‎ आजच्या स्पर्धेच्या युगात‎ आपणास इंग्रजी बोलता येणे‎ क्रमप्राप्त झाले आहे. व्यक्तिमत्त्व‎ विकासासाठीसुद्धा इंग्रजी भाषा‎ अवगत असणे आवश्यक असते.‎ त्या अनुषंगाने वैशाली प्रदीप पाटील‎ यांच्या प्रमुख उपस्थितीत या‎ शिबिराचे उद्घाटन करण्यात आले.‎ आपल्याला जीवनात नवीन उंची‎ गाठायची असेल तर इंग्रजी बोलता‎ येणे क्रमप्राप्त आहे, असे प्रतिपादन‎ आपल्या मनोगतातून प्रमुख‎ अतिथींनी व्यक्त केले.‎

विद्यालयातील विद्यार्थ्यांच्या‎ मातांसाठी इंग्लिश स्पीकिंग कोर्सची‎ सुरुवात करण्यात आली. याप्रसंगी‎ विद्यार्थ्यांच्या मातांनी आमच्यासाठी‎ ही सुवर्णसंधी आहे, असे मत व्यक्त‎ करत शिबिराला उत्स्फूर्त प्रतिसाद‎ दिला. या उपक्रमाबद्दल संस्थेच्या‎ विश्वस्त समितीचे अध्यक्ष बेबीलाल‎ संचेती, उपाध्यक्ष दिनेश लोढा,‎ प्रबंध समितीचे अध्यक्ष अजित‎ सुराणा, उपाध्यक्ष अरविंद भन्साळी,‎ मानद सचिव जवाहरलाल आबड,‎ विद्यालयाचे समन्वयक शांतीलाल‎ अलीझाड, महावीर पारख यांनी‎ कौतुक केले.‎