कौतूक‎:जिद्दीच्या बळावर राहुल गवळीची‎ सहअभियंता वर्ग-1 पदाला गवसणी‎

हालाखीच्या परिस्थितीवर मात‎ करत जिद्द व चिकाटीने राहुल‎ कैलास गवळी या तरुणाने विद्यूत‎ पारेषण कंपनीत सहअभियंता वर्ग १‎ पदाला गवसणी घातली आहे.‎ आम्ही मालेगावकर विधायक संघर्ष‎ समिती व हुतात्मा वाचनालयातर्फे‎ बुधवारी सकाळी हुतात्मा स्मारक‎ येथे छोटेखानी कार्यक्रमात गौरव‎ करत राहूलचे कौतुक केले.‎ राहूलचे वडील कैलास गवळी हे‎ दूध विक्रीचा व्यवसाय करतात.‎ त्यांनी कर्ज काढून राहुुलला‎ इलेक्ट्रिक इंजिनिअरिंगच्या‎ शिक्षणासाठी अमरावती येथे‎ पाठविले होते. राहुलने शिक्षण पूर्ण‎ करत हुतात्मा स्मारक वाचनालयात‎ दोन वर्षे स्पर्धा परीक्षांचा अभ्यास‎ केला.

अपयश ही यशाची पहिली‎ पायरी असते, त्यामुळे अनेकदा‎ अपयश पदरी पडले तरी खचून न‎ जाता त्याने आपले प्रयत्न कायम‎‎‎‎‎‎‎‎‎‎‎‎ ठेवले होते. अखेर त्याला महाराष्ट्र‎ राज्य विद्यूत पारेषण कंपनीत‎ सहअभियंता पदावर नोकरी‎ मिळाली आहे.‎ मालेगावकर समितीचे पदाधिकारी‎ निखिल पवार व मनपा प्रभाग‎ अधिकारी जगदीश बडगुजर यांच्या‎ हस्ते राहुलचा गौरवा करण्यात‎ आला. राहुलने मनोगत व्यक्त करत‎ आपल्या खडतर वाटचालीची‎ माहिती दिली. याप्रसंगी देवा पाटील,‎ प्रवीण चौधरी, सुशांत कुलकर्णी,‎ सलाम कुरेशी, सजन पाटील,‎ समाधान अहिरे, तुषार पाटील, जुबेर‎ मजिद पिंजारी, जयेश वाघ आदी‎ उपस्थित होते.‎

वाचनालयाचा विद्यार्थ्यांना‎ लाभ, सुविधांची मागणी
‎ महापालिकेने टिळकनगर भागातील‎ हुतात्मा स्मारक येथे वाचनालय सुरू‎ केले आहे. हे वाचनालय स्पर्धा‎ परीक्षांची तयारी करणाऱ्या‎ विद्यार्थ्यांसाठी लाभदायक ठरत‎ आहे. वाचनालयाच्या माध्यमातून‎ अभ्यास करत बहुतांश विद्यार्थी‎ पोलिस, सैन्यदल, राज्य उत्पादन‎ शुल्क विभाग, मंत्रालयाच्या विविध‎ पदांवर विराजमान झाले आहेत. या‎ वाचनालयात अधिक सुविधा‎ उपलब्ध करून देण्याची मागणी‎ निखिल पवार यांनी केली.‎