पाणीपुरवठा विस्कळीत‎:24 तासांत 10 ते 15 वेळा वीज खंडित,‎ सिन्नरचा पाणीपुरवठा विस्कळीत‎

कडवा पाणी योजनेचा वीजपुरवठा‎ एक सेकंद खंडित झाला तरी आठ‎ लाख लिटर पाण्याची तूट येते.‎ एक्सप्रेस फीडर असूनही पंपिंग‎ स्टेशनला होणारा वीजपुरवठा‎ तब्बल दहा ते पंधरा वेळा खंडित‎ होत असल्याने ७० ते ८० लाख‎ लिटर पाण्याची कमतरता भासत‎ आहे. परिणामी सिन्नरचा‎ पाणीपुरवठा विस्कळीत झाला आहे.‎ कडवा पाणीपुरवठा योजनेला‎ साकूर फाटा येथील वीज‎ उपकेंद्रातून पुरवठा होतो. एक्स्प्रेस‎ फीडर असूनही सुरळीत वीजपुरवठा‎ होत नाही. महिनाभरापासून तर रोज‎ आठ ते पंधरा वेळा वीज जाते.‎‎‎‎‎‎‎‎‎‎‎‎‎ याशिवाय कमी दाबाने वीजपुरवठा‎ होतो ते वेगळेच.‎

असे आहे पाणी तूट‎ येण्याचे गणित :‎ वीजपुरवठा एक सेकंद जरी‎ खंडित झाला तरी वीजपंप जळू नये‎ म्हणून ३० मिनिटानंतर सुरू केले‎ जातात. त्यामुळे अर्ध्या तासाने पंप‎ सुरू केल्यानंतर जलशुद्धीकरण‎ केंद्रात पाणी पडण्यासाठी आणखी‎‎‎‎‎‎‎‎‎‎‎‎‎ अर्धा तास जातो. हा एक तासाचा‎ वेळ गेल्याने तब्बल आठ लाख‎ लिटर पाण्याची तूट येते. २४ तासांत‎ दहा ते पंधरा वेळा पुरवठा खंडित‎ होत असल्याने ७० ते ८० लाख‎ लिटरहून अधिक पाण्याची तूट येते‎ आहे.‎ महावितरणने‎ पाणीपुरवठ्यासाठीचा‎ वीजपुरवठा सुरळीत ठेवण्याची‎ मागणी होत आहे.‎

..तर दोन दिवसांआड‎ पाणीपुरवठा
‎ वीजपुरवठा खंडित होत‎ राहिल्यास दोन दिवसांआड एक‎ तास पाणीपुरवठा होऊ शकेल.‎ पुरवठा सुरळीत राहिला तर‎ नेहमीप्रमाणे दिवसाआड ४५ मिनिटे‎ पाणी दिले जाईल.‎ - हेमलता दसरे, अभियंता,‎ नगरपरिषद‎

सोमवारी तब्बल सहा तास‎ वीजपुरवठा खंडित‎
अवकाळी पावसामुळे सोमवारी‎ पंपिंग स्टेशनचा तब्बल सहा तास‎ वीजपुरवठा खंडित होता.‎ सद्यस्थितीत २४ तासात दहा ते पंधरा‎ वेळा वीज खंडित होत आहे. कमी‎ दाबाने वीजपुरवठा झाल्यास एकाच‎ वेळी ४५० अश्वशक्तीचे दोन‎ वीजपंप चालविला येत नाही.