आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

गतवर्षीपेक्षा 20एमव्हीए जास्त:वीज मागणी 90 एमव्हीए; राेज‎ अर्ध्या तासाचे भारनियमन‎

‎संपत ढोली |सिन्नर‎एका महिन्यापूर्वी
  • कॉपी लिंक

रब्बीत पिकांना पाणी देण्यासाठी‎ कृषिपंपांचा वापर पूर्ण क्षमतेने होऊ‎ लागला आहे. त्यामुळे औद्योगिक‎ क्षेत्र वगळता तालुक्यात विजेच्या‎ मागणीत दुपटीने वाढ झाली आहे.‎ डिसेंबर पासून टप्प्याटप्प्याने वाढत‎ गेलेली मागणी ९० एमव्हीएपर्यंत‎ पोहोचली आहे. गतवर्षी रब्बी‎ हंगामाच्या तुलनेत २० एमव्हीएने ही‎ मागणी जास्त आहे.‎

नोव्हेंबरपर्यंत ५० एमव्हीए इतकी‎ वीज मागणी होती. टप्प्याटप्प्याने‎ वाढ होऊन ही मागणी ९० पर्यंत‎ पोहोचली आहे. सद्यस्थितीत ही‎ मागणी स्थिर असली तरी अजूनही‎ काही भागात कांदा लागवड सुरू‎ असल्यामुळे जानेवारीअखेरपर्यंत‎ त्यात किरकोळ वाढ होण्याचा‎ अंदाज आहे. किमान आणखी पाच‎ एमव्हीएपर्यंत मागणी वाढू शकेल.‎ गतवर्षी अत्यल्प पावसामुळे‎ रब्बीच्या क्षेत्रात अडीचपट घट‎ झाली होती. पुरेसे क्षेत्र‎ लागवडीखाली आले नव्हते.‎ भूजल पातळी खालावलेली‎ असल्याने शेतकऱ्यांनी जेमतेम‎ पिके घेण्याला प्राधान्य दिले.‎ त्यामुळे गतवर्षी डिसेंबरअखेरीस‎ ७० एमव्हीएपर्यंत मागणी नोंदविली‎ गेली.‎

ग्रामीण वाहिन्यांवर चक्राकार‎ पद्धतीने भारनियमन‎
राज्यात रब्बीचा हंगामा सगळीकडेच‎ जोरात आहे. ही मागणी पुरवताना राष्ट्रीय‎ पाॅवर ग्रीडकडून मागणी होताच‎ सद्यस्थितीत दिवसाला किमान अर्धा तास‎ तातडीचे भारनियमन केले जाते. १५‎ डिसेंबरपर्यंत मागणीत वाढ होत‎ असल्यामुळे तातडीचे भारनियमन दररोज‎ अडीच तासापर्यंत पोहोचले होते. सध्या‎ मागणी स्थिर असल्याने ३० मिनिटापर्यंत‎ भारनियमन केले जात आहे. ग्रामीण भागात‎ नांदूरशिंगोटे, ठाणगाव अथवा सिन्नर‎ परिसरातील ग्रामीण वाहिन्यांवर चक्राकार‎ पद्धतीने ते टाकण्यात येते.

१९ हजार हेक्टरवर पेरणी‎
रब्बीचे २० हजार ६७५ हेक्टर इतके‎ क्षेत्र आहे. पैकी १९ हजार ५७६‎ हेक्टर क्षेत्रावर रब्बी ची‎ लागवडकेली आहे. गतवर्षी सात‎ हजार २८५ हेक्टरवर लागवड झाली‎ होती. तुलनेने अडीचपट क्षेत्र‎ वाढल्याने वीज मागणी वाढली.

यामुळे दाब कमी‎
एकाच वाहिन्यांवर‎ एकापेक्षा जास्त उपकेंद्रांना‎ जोडण्या‎ ट्रान्सफाॅर्मरवर क्षमतेपेक्षा‎ जास्त जोडण्या‎ रब्बी हंगामात वाढणाऱ्या‎ अनधिकृत कृषी जोडण्या‎‎

बातम्या आणखी आहेत...