नृत्यांचे सादरीकरण‎:स्नेहसंमेलनात सरस नृत्यांचे सादरीकरण‎

विंचूर येथील न्यू ब्लाॅसम्स इंग्लिश‎ मीडियम स्कूलच्या वर्षिक‎ स्नेहसंमेलनाला विद्यार्थ्यांचा‎ उत्स्फूर्त प्रतिसाद लाभला.‎ कार्यक्रमाची सुरुवात दिप‎ प्रज्वलन करून स्वागत गीताने‎ करण्यात आली. व्यासपीठावर‎ विंचूरचे सरपंच सचिन दरेकर,‎ उपसरपंच शिरीन मोमीन,‎ लासलगाव पत्रकार संघाचे असिफ‎ पठाण, नीलेश देसाई, उमेश पारिक,‎ संदीप शिरसाठ, नितीन गायकवाड,‎ कलगिधर इंग्लिश मीडियम स्कूलचे‎ मुख्याध्यापक दीपक बाबरे, सरस्वती‎ एज्युकेशन सोसायटीचे अध्यक्ष अॅड‎ संजय दरेकर, उपाध्यक्ष संतोष‎ उशिर, सचिव अविनाश दुसाने‎ आणि सर्व पदाधिकारी तसेच सुभाष‎ उगले, दिलीप कोथमिरे , संजय‎ झाल्टे, मयूर पाटील आदी उपस्थित‎ होते.

‎‎‎‎‎‎‎‎‎‎‎‎‎‎पाहुण्यांच्या हस्ते स्काॅलरशिप‎ परीक्षेत, इंग्रजी ऑलिंपियाड स्पर्धेत‎ व खेळांच्या स्पर्धेत प्रावीण्य‎ मिळवलेल्या विद्यार्थ्यांना‎ पारितोषिके प्रदान करून गौरवण्यात‎ आले. मुख्याध्यापिका ज्योती माठा‎ यांनी वार्षिक अहवालाचे‎ सादरीकरण केले. नृत्यांची सुरुवात‎ श्री गणेश वंदनाने करून एकाहून‎ एक सरस नृत्य विद्यार्थ्यांनी सादर‎‎‎‎‎‎‎‎‎‎‎‎‎‎ केले.

सूत्रसंचालन अमोल संसारे,‎ सुमित्रा व्यास तसेच स्वरूपा‎ कापडणीस, प्रतिक्षा दहिफळे,‎ संस्कृती ठुबे, सेजल शेवाळे यांनी‎ केले. यावेळी समर्थ प्राथमिक‎ विद्यालयाच्या मुख्याध्यापिका पूजा‎ निकम, समन्वयक माधवी सहाय,‎ शालेय सांस्कृतिक समिती सदस्य,‎ सर्व शिक्षक शिक्षकेतर कर्मचारी‎ आणि पालक उपस्थित होते.‎