प्रबोधन‎:‘होमिओपॅथिक’च्या विद्यार्थ्यांची‎ रॅलीतून कर्करोगाबाबत जनजागृती‎

येथील श्रीमती के. बी. आबड‎ होमिओपॅथिक वैद्यकीय महाविद्यालय व‎ रुग्णालयाच्या वतीने ४ फेब्रुवारी जागतिक‎ कर्करोग दिनानिमित्त शनिवारी (दि. ४)‎ तालुक्यातील उसवाड येथे जागतिक‎ कर्करोग दिनानिमित्त तोंडाचा व स्तनाचा‎ कर्करोग जनजागृती कार्यक्रम घेण्यात‎ आला. यानिमित्त विविध उपक्रमांद्वारे‎ जनजागृती करण्यात आली.‎ एसएनजेबी संस्थेच्या विश्वस्त मंडळाचे‎ अध्यक्ष बेबीलाल संचेती, प्रबंध समितीचे‎ अध्यक्ष अजितकुमार सुराणा,‎ महाविद्यालयाचे समन्वयक डॉ.‎ सुनीलकुमार बागरेचा, विश्वस्त नंदकिशोर‎ ब्रम्हेचा, समन्वयक सुमतीलाल सुराणा‎ यांच्या मार्गदर्शनाखाली एनएसएस एकक व‎ कम्युनिटी औषध विभागाच्या वतीने हा‎ उपक्रम राबविण्यात आला. या उपक्रमात‎ प्राथमिक शाळेच्या विद्यार्थ्यांसह उसवाड‎ गावात रॅली आयोजित करून जनजागृती‎‎‎‎‎‎‎‎‎‎‎‎‎ करण्यात आली.

यावेळी विद्यार्थ्यांनी‎ पथनाट्य सादर केले. तसेच विद्यार्थ्यांमध्ये‎ तंबाखू आणि तोंडाच्या कर्करोगाबाबत गट‎ चर्चा घेण्यात आली. स्वयंसेवकांनी‎ डिजिटल पोस्टर निर्मिती करून सोशल‎ मीडियाद्वारे जनजागृती केली. कॅन्सर‎ लवकर ओळखण्यासाठी विद्यार्थिनी आणि‎ समाजातील महिलांमध्ये स्वत: स्तन‎ तपासणीबाबत माहिती देण्यात आली.

‎ यावेळी प्राचार्य डॉ. अजय दहाड यांनी‎‎‎‎‎‎‎‎‎‎‎‎‎ विद्यार्थ्यांना व ग्रामस्थांना तंबाखू व मद्यपान‎ हेच कर्करोगाचे मुख्य कारण असल्याचे‎ सांगितले. यादरम्यान प्राथमिक शाळा‎ उसवाड येथील विद्यार्थ्यांना बिस्किट्स‎ वाटप करण्यात आले. कार्यक्रमासाठी‎ उसवाड प्राथमिक शाळेच्या मुख्याध्यापिका‎ सोनवणे यांचे सहकार्य केले. कार्यक्रमास‎ राष्ट्रीय सेवा योजना अधिकारी डॉ. अमित‎ जगझाप, डॉ. ए. एस. पारीक, डॉ. एस. पी.‎ त्रिपाठी व ग्रामस्थ उपस्थित होते.‎