रॅली:जनजागृतीपर घोषफलकांनी वेधले लक्ष‎

कर्करोग ही गंभीर समस्या असून,‎ समाजात वाढत असलेले त्याचे‎ प्रमाण चिंतनीय आहे. तरुणपिढी‎ विविध व्यसनाच्या विळख्यात‎ अडकली असून त्यातून बाहेर‎ पडण्यासाठी समाजजागृतीची गरज‎ आहे. गुटखा, तंबाखू, धूम्रपान‎ टाळण्यासाठी संतुलित आहार व‎ व्यायाम याची गरज आहे, असा सूर‎ जागतिक कर्करोग दिनानिमित्त‎ सिन्नर मध्ये आयोजित करण्यात‎ आलेल्या जनजागृती रॅलीच्या‎ निमित्ताने मान्यवरांच्या मनोगतातून‎ व्यक्त करण्यात आला.‎ येथील बसस्थानक पासून निघालेली‎ नेहरू चौक, गणेशपेठ, छत्रपती‎ शिवाजी चौक, वावी वेस, डॉ.‎ बाबासाहेब आंबेडकर पुतळा मार्गे‎ जात तहसील कार्यालयात रॅलीचा‎ समारोप करण्यात आला.

रॅलीत‎ अन्न व औषध प्रशासनाचे औषध‎ निरीक्षक महेश देशपांडे, राज्य‎ फार्मसी कौंसिलचे सदस्य अतुल‎ अहिरे, सुदेश आहेर, प्रवरा फार्मसी‎ कॉलेजचे प्रा. विकास कुंदे, सुरेश‎ नावंदर, जिल्हा केमिस्ट संघटनेचे‎ स्वीकृत सदस्य अतुल झळके,‎ सहसचिव सचिन वाळुंज, सिन्नर‎ केमिस्ट संघटनेचे पदाधिकारी संदीप‎ चतुर, अमित दराडे, शिवाजी‎ थोरात, राजेंद्र हांडोरे, अनिल वाजे,‎ जयेश गाढवे, अभिषेक खरडे,‎ अजिंक्य मुदबखे, अनिल थोरात,‎ सिराज काद्री, रखमा लहानगे,‎ जगदीश भन्साळी, दिलीप कराड,‎ गणराज हांडे तसेच प्रवरा फार्मसी‎ कॉलेजच्या सर्व विद्यार्थिनी, केमिस्ट‎ सहभागी झाले होते.

जनजागृती‎ रॅलीमध्ये विद्यार्थिनींनी कर्करोग‎ टाळा, व्यसने सोडा, गुटखा, तंबाखू‎ सेवन करू नका, संतुलित आहार,‎ व्यायाम करा अशा आशयाची‎ घोषवाक्ये असलेले फलक हाती‎ घेऊन घोषणा दिल्या . समारोप‎ तहसील कार्यालयाच्या प्रांगणात‎ अशोक स्तंभानजिक झाला. यावेळी‎ अन्न व औषध प्रशासनाचे औषध‎ निरीक्षक महेश देशपांडे, अतुल‎ अहिरे, सुदेश आहेर, अतुल झळके,‎ विकास कुंदे यांनी कर्करोग जागृती‎ अभियानाची माहिती देऊन मनोगत‎ व्यक्त केले.‎