टंचाई आराखडा:सरासरीपेक्षा अधिक पाऊस, सिन्नरला‎ यंदा मे पर्यंत भासणार नाही टँकरची गरज‎

अवर्षणग्रस्त म्हणून ओळखल्या‎ असलेल्या सिन्नर तालुक्यात यावर्षी‎ सरासरीपेक्षा जास्त म्हणजेच ८१४ मिमी‎ पाऊस झाला. त्यामुळे यंदा मे महिन्यापर्यंत‎ सिन्नर तालुक्याला टँकरची गरज भासणार‎ नसल्याचे चित्र आहे. असे असले तरी मे‎ महिन्यात किंवा पाऊस लांबल्यास जून‎ महिन्यात तालुक्यातील ५ गावे आणि १९‎ वाड्या - वस्त्यांना ७ टँकरची गरज भासू‎ शकते, असा अंदाज करत तसे नियोजन‎ पंचायत समिती टंचाई शाखेने केले आहे.‎ तालुक्यात ११४ गावे आणि २५२‎ वाड्यावस्त्या आहेत. दरवर्षी अनेक‎ गावांना उन्हाळ्यात टँकरने पाणीपुरवठा‎ करण्याची गरज भासते. यावर्षी मात्र सिन्नर‎ तालुक्यात वरुणराजा मनमुराद बरसला.‎ त्यामुळे तालुक्यातील सर्व बांध- बंधारे‎ आणि धरणे ओसंडून वाहिली. भोजापूर,‎ कोनांबे, सरदवाडी, बोरखिंड धरणांसह‎ अवर्षणग्रस्त पूर्व भागातील दुशिंगपूर,‎‎‎‎‎‎‎‎‎‎‎‎‎‎‎‎ दातली आणि फुलेनगर येथील बंधारे‎ ओव्हरफ्लो झाली. शिवाय पूर्व भागात‎ कुंदेवाडी- सायाळे या देवनदीच्या बंदिस्त‎ पूरचारीचे पाणीही काही भागात‎ पोहाेचल्याने अनेक छोटे-मोठे बंधारे, तळे‎ पूर्ण क्षमतेने भरली. त्यामुळे यंदा अनेक‎ गावांची पिण्याच्या पाण्याची टंचाई मिटली‎‎‎‎‎‎‎‎‎‎‎‎‎‎‎‎ आहे.

तथापि, प्रशासनाने काही गावांमध्ये‎ संभाव्य टंचाईच्या पार्श्वभूमीवर टँकरचे‎ नियोजन केले असले तरी टँकरची गरज‎ भासेलच असेही नाही.‎ टंचाई कृती आराखड्यात टँकरसह‎ विंधन विहिरी खोदणे, प्रगतिशील योजना‎ पूर्ण करणे, हातपंप करणे आणि दुरुस्ती,‎‎‎‎‎‎‎‎‎‎‎‎‎‎‎‎ सार्वजनिक विहिरी करणे, विहीर‎ अधिग्रहण, नळ पाणी पुरवठा योजना यांचे‎ नियोजन केले आहे. त्यात यंदा‎ पाणीटंचाईची शक्यता कमी असल्याने‎ टंचाई शाखा काहीसी सुखावली आहे.‎ घंगाळवाडी येथे एक विहीर अधिग्रहण‎ करण्याची शक्यता वर्तविली अाहे.‎

या गावांना टँकरने पाणी‎ पुरवठ्याची शक्यता‎
तालुक्यात चंद्रपूर, वडगाव-सिन्नर,‎ यशवंतनगर, खापराळे व फर्दापूर या ५‎ गावांना तसेच हिवरगाव, धुळवड,‎ सुरेगाव, धोंडवीरनगर आणि धारणगाव‎ या गावांच्या २० वाड्या - वस्त्यांचा‎ समावेश आहे. ७ टँकरद्वारे या ५ गावे‎ आणि २० वाड्यावस्त्यांची पाणी‎ पुरवठ्याची गरज भासू शकते, असा‎ अंदाज टंचाई कृती आराखड्यात‎ व्यक्त करण्यात आला आहे.‎

समाधानकारक जलसाठ्यामुळे टंचाईची तीव्रता कमी‎
सिन्नर तालुक्यात यावर्षी सरासरीपेक्षा जास्त पाऊस झाल्यामुळे धरणे - बंधाऱ्यांच्या‎ जलसाठ्यात वाढ झाली. अजून पाणीसाठा मुबलक आहे. त्यामुळे यावर्षी पाणीटंचाई‎ जास्त जाणवणार नाही, उन्हाळा सुसह्य जाईल, असा अंदाज आहे. तथापि,‎ उन्हाळ्याच्या शेवटी मे - जून महिन्यात टँकरची गरज भासल्यास पंचायत समितीच्या‎ टंचाई कृती आराखड्यात तसे नियोजन करण्यात आले आहे.‎ - मधुकर मुरकुटे, गटविकास अधिकारी, सिन्नर.‎

‎
गतवर्षी १५ टँकरने ७ गावे आणि ७८ वाड्यांना पुरवठा
‎ गतवर्षी तालुक्यात पावसाचे प्रमाण अल्प होते. त्यामुळे तालुक्यातील ७ गावे आणि ७८‎ वाड्यांना टँकरने पाणीपुरवठा करण्याची वेळ आली होती. त्यासाठी १५ टँकरची गरज‎ भासली होती. यावर्षी सरासरीपेक्षा जास्त पाऊस झाल्याने यावर्षी सिन्नर तालुक्यात‎ उन्हाळ्यात फारसी टँकरची गरज भासणार नाही, असा अंदाज व्यक्त केला जात आहे.‎

समाधानकारक जलसाठ्यामुळे टंचाईची तीव्रता कमी‎
सिन्नर तालुक्यात यावर्षी सरासरीपेक्षा जास्त पाऊस झाल्यामुळे धरणे - बंधाऱ्यांच्या‎ जलसाठ्यात वाढ झाली. अजून पाणीसाठा मुबलक आहे. त्यामुळे यावर्षी पाणीटंचाई‎ जास्त जाणवणार नाही, उन्हाळा सुसह्य जाईल, असा अंदाज आहे. तथापि,‎ उन्हाळ्याच्या शेवटी मे - जून महिन्यात टँकरची गरज भासल्यास पंचायत समितीच्या‎ टंचाई कृती आराखड्यात तसे नियोजन करण्यात आले आहे.‎ - मधुकर मुरकुटे, गटविकास अधिकारी, सिन्नर.