दिव्य मराठी विशेष:टिळक मैदान, डीजीराेडवर आज रंगोत्सव‎‎

शहर रविवारी रंगपंचमीच्या सामन्यांमध्ये‎ न्हाऊन निघणार आहे. टिळक मैदान व डी.‎ जी.राेडवर सामन्यांचे आयोजन करण्यात‎ आले आहे.‎ १८ व्या शतकापासून शहरात सुरु‎ असलेल्या रंगपंचमीच्या सामन्याची परंपरा‎ नवी पिढीही अधिक आनंदाने नव्या‎ जमान्यातही जपत आहे. ऐतिहासिक,‎ सांस्कृतिक व धार्मिक परंपरा असणाऱ्या‎ शहरात रंगांची उधळण करत रंगणारे रंगांचे‎ सामने हे येवल्याच्या रंगोत्सवाचे वैशिष्ट!‎ रंगपंचमीला अगदी सकाळपासूनच शहरात रंग‎ खेळण्याला सुरुवात होते. काळानुरूप या‎ उत्सवात बदल होत आहे. मात्र, रंगाचे सामने‎ आजही तितक्याच उत्साहात खेळले जातात.‎ उत्सवप्रेमींचे अन तालमीचे गाव असल्याने‎ रंगपंचमीला येथील तालमी एकमेकांच्या‎‎‎‎‎‎‎‎‎‎‎‎‎ विरुद्ध दिशेने येऊन बैलगाडीवर ठेवलेल्या‎ पिंपांतील रंग, ढोल-ताशे, हलकडीच्या‎ गजरात परस्परांवर उधळून मजा लुटत. दोन्ही‎ बाजूंच्या किमान ४० ते ५० बैलगाडय़ा व त्यावर‎ असणाऱ्या पिंपांतील रंगांचे सपके परस्परांवर‎ मारून रंगपंचमी साजरी करण्याची जुनी परंपरा‎ आहे. आता तालमीसह विविध गणेश मंडळे,‎‎‎‎‎‎‎‎‎‎‎‎‎ सांस्कृतिक मंडळे एकत्र येऊन परंपरागत‎ रंगांचे सामने खेळतात.

पूर्वीच्या बैलगाडीची‎ जागा आता ट्रॅक्टरने घेतली आहे. पूर्वीच्या‎ मामलेदार गल्लीतील सामन्यांची जागा आता‎ टिळक मैदानाने घेतली. वाजत-गाजत‎ हलकडीच्या ढोलताशांच्या गजरात जोशपूर्ण‎ रंगांच्या सामन्यांना सुरूवात झाली की‎ सायंकाळी सहा वाजल्यानंतर किमान अर्धा ते‎ पाऊस तास रंगांचे सामने चालतात, हे‎ मनोहारी दृष्य केवळ वर्णन करून भागणार‎ नाही तर यासाठी प्रत्यक्ष एकदा रंगपंचमीची‎ मजा लुटण्यासाठी येवल्याला यावेच लागेल.‎ कोणत्याही प्रकारचे गालबोट न लागता टिळक‎ मैदान व डीजीराेडवर रंगांचे अनोखे सामने‎ आजही पार पडतात.‎ रंगपंचमीच्या सामन्यांची सुरूवात पाहुण्यांना‎ पुष्पहार घालून, सत्कार करून परस्परांना‎ अलींगन देऊन होते. रंगपंचमीला सामने‎ खेळण्याचा आनंद लुटण्यासाठी येवलेकर‎ सज्ज झाले आहे. रविवारी टिळक मैदानात‎ पाच वाजता तर त्यापाठोपाठ डीजीराेडवर‎ दुसरा सामना सहा वाजता होणार आहे.‎ शहरातील ही परंपरा उत्साहाने, आनंदाने व‎ कुठेही गालबोट न लागता पार पाडावेत,‎ सर्वांनीच आचारसंहितेचे पालन करावे, असे‎ आवाहन रंगपंचमी उत्सव समितीने केले आहे.‎

‎दीडशे वर्षांची परंपरा‎
एकमेकावर रंग फेकण्याची रंगत आपण सर्वत्र पाहतो‎पण हजारोंच्या संख्येने नागरिक एकत्र आले अन् रंग‎शिंपडण्याचे सामने खेळले..असे होऊ शकते यावर‎विश्वास बसत नाही. परंतु मागील दीडशे वर्षे हे प्रेमाने‎ सुरू आहे. अगदी तल्लीन होऊन अन् देहभान विसरून एकत्र जमलेले हजारो येवलेकर....कोणी‎ ट्रॅक्टरवर तर कोणी मैदानात...,ट्रॅक्टर किती तर तब्बल ४० च्यावर... एकीकडे १५-२०, तर‎ दुसरीकडे १५-२० रंगांच्या टिपानी भरलेले ट्रॅक्टर आमने-सामने अन‌् येवलेकर एकमेकांवर रंगाची‎ उधळण करताय....असा अनोखा सप्तरंगी कलगीतुरा येथील टिळक मैदानात व डीजीराेडवर‎ रोडवर ढोल-ताशाच्या गजरात पुन्हा एकदा रंगणार आहे.