निसटता विजय:सिन्नर तालुका खरेदी-विक्री संघावर‎ ‘सहकार विकास’ने रोवला झेंडा‎

तालुका खरेदी-विक्री संघाच्या‎ निवडणुकीत आमदार माणिकराव‎ कोकाटे यांच्या नेतृत्वाखाली सहकार‎ विकास पॅनलने १५ पैकी ८ जागा जिंकत‎ सत्ता काबीज केली. दुसरीकडे माजी‎ आमदार राजाभाऊ वाजे, युवा नेते उदय‎ सांगळे यांच्या नेतृत्वाखालील जनसेवा‎ विकास पॅनलला ७ जागा मिळाल्या.‎ सोसायटी गटात सहकार विकासचे‎ नितीन आव्हाड (५७), माधव आव्हाड‎ (५५), रामनाथ कर्पे (५५), माणिक‎ गडाख (५३), संजय गोराणे (५३),‎ भागवत चव्हाणके (५४) आणि युवराज‎ तुपे (५५) विजयी झाले. तर जनसेवा‎ विकासचे कैलास कातकाडे (३८),‎ ताराबाई बहिरू कोकाटे (३८), छबू‎ थोरात (३९), रामदास दळवी (३६),‎ अमित पानसरे (४०), ज्ञानेश्वर बोडके‎ (३९), सुखदेव वाजे (४२) यांना‎ पराभव पत्करावा लागला.

कृषी निगडित‎ सहकारी संघ गटात सहकार विकासचे‎ अरुण वाजे (१५) विजयी झाले. तर‎ जनसेवाचे विठ्ठल राजेभोसले (२) यांना‎ पराभव पत्करावा लागला. इतर मागास‎‎‎‎‎‎‎‎‎‎‎‎‎‎‎‎‎‎‎‎ प्रवर्गात जनसेवा विकासचे राजेंद्र सहाने‎ (४२०) यांनी सहकार विकासचे‎ रामदास सहाने (३७०) यांना पराभूत‎ केले. व्यक्तिगत सर्वसाधारण गटात‎ जनसेवा विकासचे विशाल आव्हाड‎ (३४१), पोपट सिरसाठ (३४९) यांनी‎ सहकार विकासचे कैलास निरगुडे‎‎‎‎‎‎‎‎‎‎‎‎‎‎‎‎‎‎‎‎ (२९९) आणि अजय सानप (२७९)‎ यांचा पराभव केला. भटक्या विमुक्त‎ जाती जमाती गटात जनसेवाचे लहानू‎ भाबड (४१०) यांनी सहकारचे विलास‎ लहाने (३७७) यांना पराभवाची धूळ‎ चारली. महिला राखीव गटात जनसेवा‎ विकासच्या सुशीला राजेभोसले (४२१)‎‎‎‎‎‎‎‎‎‎‎‎‎‎‎‎‎‎‎‎ आणि निशा अरुण वारुंगसे (४१५)‎ यांनी सहकारच्या हिराबाई विठोबा उगले‎ (३४४) आणि शांताबाई देवराम‎ कहांडळ (३४७) यांचा पराभव केला.‎ अनुसूचित जाती-जमाती गटात‎ रावसाहेब आढाव (४२०) यांनी राजेश‎ नवाळे (३४४) यांचा पराभव केला.‎

सोसायटी गटात कोकाटे तर‎ व्यक्तिगतमध्ये वाजेंचा प्रभाव‎
सोसायटी गटात मतदारांचे झालेले ठराव‎ आमदार कोकाटे गटाच्या पथ्यावर ठरले.‎ ९७ पैकी तब्बल ५९ मतदार कोकाटे यांच्या‎ डेऱ्यात होते. कृषी निगडित गटातही १८‎ पैकी १६ मतदार कोकाटे गटासोबत होते.‎ त्यामुळे सोसायटीच्या सात आणि कृषी‎ गटातील एक अशा ८ जागा सहजगत्या‎ त्यांना मिळाल्या. ५ वर्षे सत्ता ताब्यात‎ असल्यामुळे वाजे गटाने वाढवलेली‎ व्यक्तिगत सभासद संख्या खालच्या ७‎ जागा जिंकून देण्यात महत्त्वाची ठरली.‎ मात्र त्यांना सत्ता राखता आली नाही.‎

शाब्दिक घमासन, वातावरण तंग‎
सिमंतिनी कोकाटे यांच्या नेतृत्वाखाली‎ सत्ता ताब्यात आल्याने या‎ निवडणुकीच्या यशाचे श्रेय कार्यकर्त्यांनी‎ त्यांना दिले. दोन्ही बाजूंनी प्रचंड शाब्दिक‎ घमासन पाहायला मिळाले. भारत‎ कोकाटे यांनी काही सचिवांना‎ मतमोजणी प्रक्रियेत सहभागी होण्यास‎ आक्षेप घेतला. कोकाटे गटानेही भारत‎ कोकाटे सभासद नसल्याने त्यांना‎ मतमोजणीला उपस्थित राहू दिले नाही.‎