मनुष्यबळाचा अभाव:स्वच्छता कर्मचारी करतात रुग्णांची ड्रेसिंग;‎ एक्स-रे रूम आणि प्रयोगशाळाही बंद‎

‎रुग्णाला केस पेपर देण्याची, रुग्णाला‎ ड्रेसिंग करण्याची जबाबदारीही‎ स्वच्छता कर्मचाऱ्यांवरच, एक्स-रे‎ रूममध्ये कर्मचारी नसल्याने ही‎ सुविधाही बंद, प्रयोगशाळा तंत्रज्ञ‎ नसल्याने तेथेही शुकशुकाट.‌‎ परिणामी, ग्रामीण रुग्णालय‎ सिन्नरकरांसाठी केवळ शोभेचे‎ बाहुले बनल्याचे ‘दिव्य मराठी''च्या‎ पाहणीत दिसून आले. अपुऱ्या‎ कर्मचाऱ्यांमुळे डॉक्टर आणि स्टाफ‎ नर्स २४ तास तर स्वच्छता कर्मचारी‎ सलग १२-१२ तास काम करत‎ असल्याने त्यांच्याही चेहऱ्यावर‎ तणाव जाणवत आहे.‎ मनुष्यबळ पुरवणाऱ्या एमव्हीजी ‎कंपनीने कॉन्ट्रॅक्ट संपल्याने ४ वाॅर्ड‎ बॉय, २ लॅब टेक्निशियन, ४ स्टाफ‎ नर्स आणि १ एक्स-रे टेक्निशियन‎ अशा ११ लोकांना ३१ जानेवारीपासून ‎कामावरून कमी केले आहे.‎ परिणामी ३ डॉक्टर, ५ सफाई‎ कर्मचारी, १ फार्मासिस्ट, वाहन‎ चालक आणि ३ स्टाफ नर्स‎ यांच्यावरच रुग्णालयाचा भार येऊन ‎पडला आहे.

त्यामुळे एका‎ शिफ्टमध्ये केवळ ४ ते ५‎ कर्मचाऱ्यांवरच दवाखाना‎ चालवण्याची वेळ अधीक्षकांवर‎ आली आहे. विशेष म्हणजे, ३ पैकी‎ बालरोग तज्ज्ञ असलेल्या डॉ. चेतन‎ ठोंबरे यांच्याकडे अधीक्षक पदाचा अतिरिक्त कार्यभार‎ आहे. तेही अतिरिक्त कामाने तणावात असून‎ त्यांनी जिल्हा शल्य चिकित्सकांकडे ४ वेळा या‎ पदाचा राजीनामा देऊनही तो स्वीकारला गेलेला‎ नाही.

पुरेसे डॉक्टर उपलब्ध नसल्याने एकेका‎ डॉक्टरला प्रत्येकी २४ तास काम करावे लागत‎ आहे. स्टाफ नर्सची अवस्थाही यापेक्षा वेगळी‎ नाही. स्वच्छता कर्मचारी अपुरे असल्याने त्यांनाही‎ एवढ्या मोठ्या रुग्णालयाची स्वच्छता करून‎ पुन्हा रुग्णालयातील इतर कामकाजास मदत करणे‎ अशक्यप्राय होऊन बसले आहे. नागरी‎ आरोग्याच्या दृष्टीने महत्त्वपूर्ण असलेल्या आरोग्य‎ सेवेकडे शासनाचे दुर्लक्ष झाल्याचे या निमित्ताने‎ दिसून आले आहे.‎‎

वेतन अल्प मात्र‎ तेही वेळेवर नाही...‎
मनुष्यबळ पुरवणाऱ्या‎ एमव्हीजी कंपनीने ठेकेदारी‎ पद्धतीने काही कर्मचारी ११‎ महिन्यांच्या तर काही तीन‎ वर्षांच्या कराराने भरले‎ आहेत. ११ महिन्यांचा करार‎ असलेल्या कर्मचाऱ्यांना‎ कामावरून कमी करण्यात‎ आले आहे. तर उर्वरित‎ कर्मचाऱ्यांना महिन्याकाठी‎ केवळ ७ हजार इतके वेतन‎ दिले जाते. मात्र, तेही दोन‎ ते तीन महिने मिळत‎ नसल्याची तक्रार येथील‎ कर्मचाऱ्यांनी केली.‎

नागरिकांना आर्थिक भुर्दंड‎
रुग्णालयात एक्स-रे आणि‎ प्रयोगशाळेची व्यवस्था असतानाही‎ केवळ कर्मचारी नसल्यामुळे नागरिकांना‎ या सेवेसाठी खासगी रुग्णालयांचा‎ आधार घ्यावा लागत आहे. परिणामी‎ त्यांच्या खिशाला आर्थिक भुर्दंड सोसावा‎ लागत आहे. धनुर्वाताचे आणि‎ श्वानदंशाचे इंजेक्शनही संपलेले आहे.‎ खोकल्याचे औषधही रुग्णालयात‎ उपलब्ध होत नाही.‎

रुग्णांच्या‎ रोषाचा करावा‎ लागतो सामना‎‎
उपसंचालकांकडे वाढीव कर्मचारी पुरवठा व्हावा यासाठी प्रस्ताव‎ पाठविण्यात आला आहे, असे वरिष्ठ कार्यालयाकडून सांगण्यात येते.‎ वारंवार पाठपुरावा करूनही कर्मचारी मिळत नसल्याने १३ कर्मचाऱ्यांवर काम‎ करणे अवघड होवून बसले आहे. त्यामुळे रुग्णांच्या रोषास सामोरे जावे‎ लागत आहे. जादा काम करावे लागत असल्याने कर्मचारी तणावात आहेत.‎ - डाॅ. चेतन ठोंबरे, वैद्यकीय अधीक्षक, ग्रामीण रुग्णालय, सिन्नर.‎

दररोज २००-२५० रुग्णांची तपासणी‎
नगरपालिकेचा दवाखाना बंद झाल्यापासून ग्रामीण‎ रुग्णालयाची ओपीडी वाढली आहे. रुग्णालयात‎ दररोज २०० ते २५० रुग्ण बाह्य रुग्ण विभागात‎ तपासणीसाठी येतात. मनुष्यबळ अपुरे असल्याने‎ स्वच्छता कर्मचाऱ्यांना ‘जिथे कमी, तिथे आम्ही''''''''‎ अशी भूमिका बजावावी लागते. आठवड्यातील‎ प्रत्येक मंगळवारी दंत तपासणी, बुधवारी लहान मुलांचे‎ लसीकरण तर गुरुवारी डोळे तपासणी शिबिर हा‎ अतिरिक्त भार सहन करताना डॉक्टरांसोबतच इतर‎ कर्मचाऱ्यांना तारेवरची कसरत करावी लागत आहे.‎