प्रशिक्षण शिबिर‎:केंद्र, राज्य सरकारच्या‎ योजना तळापर्यंत पोहाेचवा‎

‎ केंद्र व राज्य सरकारच्या विविध‎ योजना, भारतीय जनता पार्टीचे‎ विचार या ग्रामीण भागातील‎ तळागाळातील सर्वसामान्य‎ नागरिकांपर्यंत पोहोचवण्यासाठी‎ कार्यकर्त्यांनी परिश्रम घ्यावेत, असे‎ प्रतिपादन भाजपचे जिल्हा‎ सरचिटणीस नंदकुमार खैरनार यांनी‎ केले.‎ भाजपाच्या बुथ सशक्तीकरण‎ अभियानांतर्गत चांदवड येथील‎ शासकीय विश्रामगृहात शनिवारी‎ (दि. ४) भारतीय जनता पार्टीचे‎ एकदिवसीय प्रशिक्षण शिबिर पार‎ पडले, त्यावेळी कार्यकर्त्यांना‎ मार्गदर्शन करताना ते बोलत होते.‎ व्यासपीठावर तालुकाध्यक्ष मनोज‎ शिंदे, भाजपा जिल्हा सरचिटणीस‎ भूषण कासलीवाल, जिल्हा‎ उपाध्यक्ष डॉ. नितीन गांगुर्डे, ज्येष्ठ‎ नेते अशोक व्यवहारे, मोहनलाल‎ शर्मा, सुनील शेलार, अ‍ॅड. शांताराम‎ भवर, महिला आघाडीच्या गीता‎ झाल्टे आदी उपस्थित होते.

स्थानिक‎ स्वराज्य संस्थांच्या आगामी‎ निवडणुकांसाठी कार्यकर्त्यांनी सज्ज‎ व्हावे, असे आवाहन करण्यात‎ आले.‎ कार्यशाळेस भुत्याणेचे माजी सरपंच‎ गणेश महाले, योगेश ढोमसे,‎ पुष्पाताई धाकराव, संदीप काळे,‎ विशाल ललवाणी, प्रशांत ठाकरे,‎ वाल्मीक पवार, डॉ. भाऊराव देवरे,‎ बाजीराव वानखेडे, राजू पाटील,‎ मन्सूरभाई मुलानी, मुकेश आहेर,‎ बाळा पाडवी, महेश खंदारे, महेंद्र‎ कर्डिले, मुकुंद बोरसे, वैशाली‎ जाधव, संगीता पवार, उषा खैरे,‎ मंगला भोयटे, रेखा ढोमसे, अनिता‎ जाधव आदींसह पक्षाचे पदाधिकारी‎ व कार्यकर्ते उपस्थित होते.‎