प्रदर्शन:डाक विभागाची सुकन्या समृद्धी‎ योजना खाते उघडण्याची विशेष मोहीम‎

दिल्ली येथील प्रगती मैदानावर ११ ते‎ १५ फेब्रुवारी दरम्यान होणाऱ्या‎ अमृतपेक्स-२०२३ या राष्ट्रीय टपाल‎ तिकीट प्रदर्शनाच्या (फिलाटेली)‎ औचित्याने नाशिक विभागात‎ सुकन्या समृध्दी योजनेचे खाते‎ उघडण्याची विशेष मोहिम भारतीय‎ डाक नाशिक विभागाच्या वतीने‎ हाती घेतली आहे. येत्या ९ आणि १०‎ फेब्रुवारी रोजी या विशेष मोहीमेतंर्गत‎ नाशिक जिल्ह्यात मोठ्या प्रमाणात‎ सुकन्या समृद्धी योजनेची खाती‎ उघडण्यात येणार असल्याची‎ माहिती वरिष्ठ प्रवर डाक अधीक्षक‎‎‎‎‎‎‎‎‎ मोहन अहिराव यांनी दिली.‎

देशात महिला सबलीकरण व‎ सशक्तीकरणाच्या दृष्टिकोनातून हे‎ एक महत्वाचे पाऊल आहे.‎ शहरासह ग्रामीण भागातील‎ तळागाळातील शेवटच्या‎ घटकापर्यंत शासनाच्या योजना‎ पोहाेचाव्यात हा या मोहिमेचा उद्देश‎ आहे. प्रत्येक सब पोस्ट ऑफिस व‎ ग्रामीण भागातील शाखा डाकघर‎ यासाठी तयारीला लागले आहेत.‎ शहरासह ग्रामीण भागातील प्रत्येक‎‎‎‎‎‎‎‎‎ पोस्ट ऑफिसने सुकन्या समृध्दी‎ खाते उघडण्याची जय्यत तयारी‎ केली आहे.‎ पालकाने १० वर्षाच्या आतील‎ मुलीसाठी या योजनेचा लाभ घेऊन‎ जवळच्या पोस्ट कार्यालयात‎ सुकन्या समृद्धी योजनेचे खाते‎ उघडण्याचे आवाहन नाशिकचे‎ वरिष्ठ प्रवर डाक अधीक्षक मोहन‎ अहिरराव, पश्चिम विभागाचे‎ सहाय्यक अधीक्षक विशाल निकम‎ यांनी केले आहे.‎

२५० रुपयांत खाते...‎ सुकन्या समृद्धी योजनेचा लाभ १० वर्षाच्या आतील वयोगटाच्या मुलींसाठी‎ घेता येईल. सुरुवातीला फक्त २५० रुपये भरून खाते सुरू करता येऊ शकते.‎ या योजनेंतर्गत ७.६ टक्के असा व्याजदर भारतीय टपाल विभागामार्फत दिला‎ जात आहे. दरवर्षी आर्थिक वर्षात कमीत कमी २५० रुपये आणि जास्तीत‎ जास्त दीड लाख रुपये या खात्यावर जमा करता येऊ शकतात.‎

२५० रुपयांत खाते...‎ सुकन्या समृद्धी योजनेचा लाभ १० वर्षाच्या आतील वयोगटाच्या मुलींसाठी‎ घेता येईल. सुरुवातीला फक्त २५० रुपये भरून खाते सुरू करता येऊ शकते.‎ या योजनेंतर्गत ७.६ टक्के असा व्याजदर भारतीय टपाल विभागामार्फत दिला‎ जात आहे. दरवर्षी आर्थिक वर्षात कमीत कमी २५० रुपये आणि जास्तीत‎ जास्त दीड लाख रुपये या खात्यावर जमा करता येऊ शकतात.‎