अपघात‎:बसची दुभाजक तोडून दुचाकीला‎ धडक, युवक ठार, युवती गंभीर‎

ट्रॅव्हल्स कंपनीच्या बसचे टायर‎ फुटल्याने बस दुभाजक ताेडून‎ दुसऱ्या लेनमध्ये गेली. यात एका‎ दुचाकीला जाेरदार धडक बसल्याने‎ दुचाकीवरील महाविद्यालयीन युवक‎ जागीच ठार झाला आहे. मागे‎ बसलेली युवती गंभीर जखमी झाली‎ आहे. शनिवारी (दि. ११) सकाळी‎ नाशिक-त्र्यंबकेश्वर रस्त्यावरील‎ बेलगाव ढगा येथे हा अपघात‎ घडला.‎ पुणे येथून नर्मदा परिक्रमासाठी‎ निघालेली श्रीराम ट्रॅव्हल्स कंपनीची‎बस शनिवारी‎(दि. ११)‎सकाळी‎त्र्यंबकेश्वर‎येथून पुढील‎ प्रवासासाठी ‎नाशिकच्या‎ दिशेने निघाली हाेती. बेलगाव ढगा‎ फाट्याजवळील एस्पॅलिअर‎ स्कूलजवळ बस आली असता तिचे‎ टायर फुटल्याने बसचालकाचे‎ नियंत्रण सुटले आणि बस थेट‎ डिव्हायडर तोडून दुसऱ्या लेनमध्ये‎ आली.

याचवेळी नाशिकहून‎ त्र्यंबककडे जाणाऱ्या दाेन दुचाकींना‎ धडक देत बस झाडावर आदळली.‎ यात एका दुचाकीवरील दाेघांना‎ गंभीर दुखापत झाल्याने त्यांना‎ तातडीने जिल्हा रुग्णालयात दाखल‎ करण्यात आले. त्यात शहरातील‎ केटीएचएम महाविद्यालयात विज्ञान‎ शाखेच्या तृतीय वर्षात शिकणारा‎ आेम देवेंद्र तासकर (२१) हा‎ विद्यार्थी जागीच ठार झाला. तर‎ आकांक्षा जाधव (२१) ही युवती‎ गंभीर जखमी झाल्याने तिच्यावर‎ खासगी रुग्णालयात उपचार सुरू‎ आहेत. मृत आेम दिंडाेरीतील‎ राहणारा असून त्याच्या पश्चात‎ आई-वडील आणि बहीण आहे.‎