रहिवाशांसाठी डोकेदुखी‎:सोयगावच्या आठवडे बाजारामुळे दर‎ रविवारी मुख्य रस्ता रहदारीस होतो बंद‎

सोयगाव मराठी शाळेजवळ दर रविवारी‎ रस्त्यावरच भरणारा आठवडे बाजार‎ परिसरातील स्थानिक नागरिक व मुख्य‎ रस्त्यावरील वाहनचालकांसाठी डोकेदुखी‎ झाला आहे. तर दुसरीकडे बाजारातील‎ विक्रेत्यांची संख्या मात्र आठवडागणिक‎ वाढतच आहे.त्यामुळे आठवडे बाजारचा‎ परीघ वाढू लागला आहे. मराठी शाळा ते‎ तुळजाभवानी मंदिर, मराठी शाळा ते‎ दौलतनगर तसेच शाळा ते पाण्याच्या‎ टाकीपर्यंत बाजार बसू लागल्याने तिन्ही‎ बाजूने रस्ता बंद होत आहे. रविवारी मुख्य‎ रस्ताच रहदारीसाठी बंद होत असल्याने‎ बाजार स्थलांतरच्या मागणीने जोर धरला‎ आहे.‎ गेल्या वर्षभरापासून सोयगावातील‎ आठवडे बाजार दुसरीकडे हलवण्याची‎ मागणी होत आहे. मात्र मनपा प्रशासनाने‎ या मागणीला गांभीर्याने घेतलेले नाही.‎‎‎‎‎‎‎‎‎‎‎‎‎

बाजारासोबतच विक्रीसाठी व खरेदीसाठी‎ येणारे नागरिक रस्त्यावर वाहने पार्किंग‎ करतात. त्यामुळे रस्त्यावर बसणारे विक्रेते,‎ खरेदी करणारे नागरिक, रस्त्यावर वाहन‎ पार्किंग या समस्या मोठ्या प्रमाणात‎ उद्भवत आहेत. दर रविवारी संध्याकाळी‎ चार ते आठ वाजेपर्यंत या भागातून‎ जाणे-येणे अवघड होत आहे. दौलतनगर‎ परिसरातील नागरिकांना सटाणानाका,‎‎‎‎‎‎‎‎‎‎‎‎‎ मालेगाव शहरात जातांना बाहेरून फिरून‎ जावे लागत आहे.याभागात एखादा‎ नागरिक गंभीर आजारी पडल्यास‎ रुग्णवाहिका अथवा रुग्ण घेऊन जाणाऱ्या‎ खाजगी वाहनांना रस्ता नसतो. मनपाकडून‎ दर रविवारी हजारो रुपये कर वसुली होते‎ मात्र सुविधा पुरवली जात नाही.‎ बाजारासाठी पर्यायी दुसरी जागा उपलब्ध‎ असतानादेखील मनपा निर्णय घेत.

नागरिकांनी सुचवला पर्याय‎
सोयगाव मराठी शाळेमागील उद्यान‎ गेल्या तीन वर्षांपासून ओस पडले‎ आहे. उद्यानात गवत वाढले असून‎ ही जागा उपयोगात नाही. त्यामुळे‎ येथील साफसफाई केल्यास‎ आठवडे बाजाराला प्रशस्त जागा‎ उपलब्ध होऊन आठवडे बाजार‎ जागेचा प्रश्न निकाली निघेल.‎

अपघातांना आमंत्रण‎
आठवडे बाजार मुख्य रस्त्यावर‎ भरत असून रहदारीसाठी जागाच‎ उरत नाही. संध्याकाळी प्रचंड गर्दी‎ होते. रस्त्यावरच वाहने पार्किंग‎ होतात. आठवडे बाजारामुळे तिन्ही‎ बाजूंचा रस्ता बंद होत आहे. यामुळे‎ अपघातांना आमंत्रण मिळते.‎ - ऋषिकेश बच्छाव, सोयगाव‎